春水堂人文茶館 (創紀之城五期(apm))

Open Now

Now Closed

名仰大名特登黎到觀塘嘅春水堂，8點鐘食飯時段依然要排隊。但排隊嘅時間唔算長，半個鐘都唔洗就可以入座了。見到好多台式食物，忍不住嗌了不少，包括有當歸藥膳湯、鹽酥雞翼和杏包菇、紅燒牛肉麵等。藥膳湯略嫌藥膳味較淡，鹽酥雞翼和杏包菇都係好普通。唯一值得一讚嘅係紅燒牛肉麵，係真係好食嘅。牛肉夠淋而且成個麵都夠入味，所以唯一覺得好食嘅係個牛肉麵。黎到春水堂無理由唔試飲品，點了鐵觀音珍珠奶茶和檸檬愛玉綠茶。鐵觀音奶茶係好飲的，唔似一般的珍奶咁甜，而且還有鐵觀音的茶味，珍珠亦好食。至於檸檬愛玉綠茶雖然飲得出係調校過較迎合港人口味，但仍然係比較酸，同飲緊陣味好似番梘咁到最後試埋個甜品就已經決定無下次了，叫左個珍珠熔岩蛋糕，除左珍珠係比較出色之外，其他的都係好一般。總結：可能唔係叫d特別野食啦，覺得d野食好普通，要排隊嘅就真係唔好搞了。