Video
Read full review
2015-07-12
1481 views
Sorry!我只能用名過於實去形容⋯呢間甜品店長期位於openrice前列名次,知道咗一段時間，終於可以潮拜一下，試試盧山真面目。星期日同朋友食完晚飯，見仲有甜品嘅胃，所以特登去旺角黑布街走一轉⋯真係好耐冇嚟黑布街，周圍都餐廳林立，差唔多間間都有人排隊，當然我地今日特登嚟食嘅甜品店亦不例外啦～時間夜晚八點幾，已排滿十幾人⋯但一場嚟到，等等都無妨嘅～等咗5分鐘左右，前面有4個男生頂唔順話要轉場離開，咁就益咗我地可以排前4個位喇！由於前面都係4至5人為一堆，我地兩個就更加易被安排入座，等左15分鐘左右就成功入座喇！店內環境比較細同窄，分兩層做營業，裝修簡單得嚟都幾有味道～用上溫柔嘅黃燈，令人心情放鬆。餐牌甜品款式不多，大致上分為4類左右⋯而每一類再分唔同嘅味道。我同朋友原本打算兩人要3款，但由於檯較細，所以先落咗兩個甜品，第三個打算食完再落過～滿心歡喜，甜品時間終於到喇～綠茶奶凍用上透明玻璃杯奉上，觀感相當討好，特別別緻！綠茶波波雪糕茶味濃厚，而且質感幼滑！唔錯唔錯～可惜試埋個奶凍底⋯噢⋯冇味道可言⋯加上口感怪怪嘅蘋果粒？見其他人話係蘋果粒，但我唔肯定，因為我食極都試唔出係乜嘢，只知口感不
呢間甜品店長期位於openrice前列名次,知道咗一段時間，終於可以潮拜一下，試試盧山真面目。
星期日同朋友食完晚飯，見仲有甜品嘅胃，所以特登去旺角黑布街走一轉⋯真係好耐冇嚟黑布街，周圍都餐廳林立，差唔多間間都有人排隊，當然我地今日特登嚟食嘅甜品店亦不例外啦～
時間夜晚八點幾，已排滿十幾人⋯但一場嚟到，等等都無妨嘅～等咗5分鐘左右，前面有4個男生頂唔順話要轉場離開，咁就益咗我地可以排前4個位喇！由於前面都係4至5人為一堆，我地兩個就更加易被安排入座，等左15分鐘左右就成功入座喇！
店內環境比較細同窄，分兩層做營業，裝修簡單得嚟都幾有味道～用上溫柔嘅黃燈，令人心情放鬆。
餐牌甜品款式不多，大致上分為4類左右⋯而每一類再分唔同嘅味道。我同朋友原本打算兩人要3款，但由於檯較細，所以先落咗兩個甜品，第三個打算食完再落過～
滿心歡喜，甜品時間終於到喇～
綠茶奶凍
用上透明玻璃杯奉上，觀感相當討好，特別別緻！綠茶波波雪糕茶味濃厚，而且質感幼滑！唔錯唔錯～可惜試埋個奶凍底⋯噢⋯冇味道可言⋯加上口感怪怪嘅蘋果粒？見其他人話係蘋果粒，但我唔肯定，因為我食極都試唔出係乜嘢，只知口感不討好，雪糕味道還可以⋯原本食到最尾先係精華所左⋯但所謂嘅精華，卻切底地輸了⋯搞到臨尾愈食就愈怪⋯好漏
雲呢嗱窩夫
呢個一擺上檯就已經輸左！冇一點吸引嘅魔力，生果？酸嘅⋯主角窩夫？口感唔實在，浮浮的感覺，色度不夠，味道不夠，香味⋯冇，sorry!如果要排隊，我寧願去排需時兩個鐘嘅咖啡x...但等15分鐘嚟食呢個，可以用後悔去形容我地嗰刻心情。
甜品係好主觀嘅食物，必須色香味都要齊，選擇已經唔多，味道卻冇驚喜，好普通嘅作品，$52款嘅價錢，可以話抵，但當唔可以滿足飯後嘅阿胃子，當然就唔叫抵啦!所以呢次伏我中咗！要怪就怪自己隨波逐流啦。
Post
