老虎堂黑糖專売 (Closed)

貴為台灣過江龍 生於一個黑糖珍珠鮮奶風靡一時嘅時代 令到銅鑼灣分店由開業開始就人龍不絕 一直都想嘗試 但絕對唔想耗時幾個小時去等直到要一日行經尖沙咀 見到一個個途人都手拎住一杯老虎堂 即管上網揾下 原來係ISquare後面開左分店 重點係 無人排隊呀 波霸厚鮮奶波霸意即平時飲開嘅大粒珍珠 另外有細珠可以選擇 買完等左十分鐘左右就到手啦 外觀上無想像中嘅黑糖虎紋 反而一大堆黑糖聚集係一個位 連店名都睇唔清楚 一路行一路上下搖晃飲品 希望會出現打卡嘅虎紋 結果黑糖只有愈搖愈散 後來更發現原來杯嘅外圍沾滿黑糖 店員並無清楚乾淨先交到客人手上正式開始品嚐啦 第一啖感覺係好甜 手抄黑糖無想像中香 但一定比想像中甜 即使同鮮奶搞勻 都係唔太可口嘅甜 再試珍珠 一般般 無特別出色嘅感覺最後一個元素係奶 同樣地並不出眾 無好香濃嘅牛奶味 甚至乎係 無乜味總結係如果要排上以小時計嘅隊 就可以免啦 一試無妨 再試就可以有更好嘅選擇