蜜庵本膳 (Closed)

平時一齊食飯嘅同事因爲公事跟咗我哋senior岀咗去，lunch得返我自己一個人食。不過既然上司都唔喺公司，就代表我可以有多少少嘅時間去探尖沙咀嘅美食。行吓行吓入咗去赫德道，見到其中一間喺橫街入面嘅餐廳就係今日講嘅蜜庵本膳。街上面有其他嘅餐廳，不過我就俾蜜庵本膳嘅餐牌吸引咗，睇落好豐富。坐底之後我就叫咗個自選午餐定食，分別要咗「廣島蠔橄欖油漬」、「林檎咖哩牛仔骨」同埋「黑松露炸雞」。套餐賣相好靚，每一道菜都好精緻，除咗上面講嘅三款主菜，定食包埋一碗飯、沙律同味噌湯，每一碟都有質素，個人覺得最好味係牛仔骨。整體而言個環境好舒服而且食物水準都高，下次會帶朋友一齊嚟。