Soul9+ (Closed)

我甚少去北角，唔係朋友帶路～我都唔知有條後街甘多間餐廳，每間都各有特式。友人知我愛吃海膽，帶我黎到「SOUL9+」細細間鋪，8點幾依然坐滿晒人。佈置得好精緻，坐滿地方有點逼，但安排的很好，不會隔硬坐滿人，我地兩個人坐四人枱，所以坐落都好舒服😌等天氣涼涼地～坐門口位更有Feel。海鮮拼盤（當晚😭缺生蠔、蜆，用其他海鮮頂上）中間海鮮醬提鮮不少。推介鮑魚：爽口彈牙。龍蝦：啖啖肉，又貼心～蝦鉗已敲碎，方便我地一整開就食得。水牛芝士薄餅+西班牙火腿片算薄批，沒有太多料，食得出火腿、芝士味，好大方加入大量沙律菜，好味道本來朋友帶我食「原板海膽黑松露蟹膏意大利飯」可惜😫賣曬了...失望了😞唯有叫另一款「黑魚籽海膽豆腐温泉蛋杯」頂住海膽引先🤣嘩！上枱有乾冰隨碟上，視覺效果好正，仲有金薄 金光閃閃～成個杯都勁吸引。食過先知正唔正。温泉蛋做到半熟，一匙羹同時食豆腐、蛋同海膽，食到唔同既口感，又冇蓋過海膽既鮮味，外型同內在一樣出色😁👍🏼下次黎開北角，再黎試海膽飯😁😁