Ocio オシオ (Closed)

因為有訂位，所以星期六當好多人排隊嘅時候，職員已經安排到我哋直接入去坐，呢點非常好。本身去食下午茶，想chill下，餐廳裝修確係唔錯，不過櫈就唔係好舒服個種，亦都係6人枱搭枱，呢點同我想像中嘅chill有啲出入。入去見到menu甜品係冇set的，食咗一朱古力麻糬窩夫同士多啤梨法式吐司，吐司直頭想嘔。窩夫除左唔夠脆，個麻糬份量太少，唔太食到之外，其實唔錯，我額外加左雪糕，3重朱古力令朱味濃得黎有層次。吐司就真係唔掂，士多啤梨極酸，配搭出嚟個醬仲係M記4成水準，吐司原先想做嘅層次根本做唔到。