閨•家 (西九龍中心) (Closed)

以全粉紅色嘅主題去裝修店面，充滿少女味，加上標榜冇味精，的確係我鍾意嘅Style！入面已經full House，我攞埋最後一張枱，好好彩！唔需要等位😝鐵板豬扒炒烏冬～豬扒非常淋，相信原材料應該都係有一定質素！鍾意佢炒粉麵都落咗好多菜，啱晒外食一族想保留一絲健康嘅欲望！涼拌海蜇手撕雞～雖然天氣開始凍，但係涼拌嘅菜式，總係一個唔錯嘅開胃菜，手撕雞唔會撕到碎濕濕，保留雞肉該有嘅口感！海蜇亦都非常爽口彈牙，配埋芝麻醬汁，頂呱呱👍🏻滷水豆腐～我非常入味嘅滷水豆腐，疊有兩層，每層四件厚切豆腐，份量非常大！