Video
Read full review
2018-02-06
1346 views
天氣凍冰冰，最啱圍埋係邊爐隔離一路食一路取暖。記得早前行過愉景新城發現呢度啱啱開張，可惜未有時間黎會一會佢。今晚終於約到朋友品嚐一下呢間椰子雞究竟點樣好食法。一入黎覺得呢度似Ｋ房多過餐廳，因為現場樂隊唱住歌，配合埋個環境好有FELL。咁啱今晚嘅歌曲大部分都係陳奕迅嘅歌，好似天下無雙／陀飛輪／歲月如歌等，我地都邊食邊跟住唱。期間仲有林俊杰／田馥甄等台灣歌曲，主音都唱得幾唔錯，為我地呢餐生色不少。椰子雞之前都係旺角食過，覺得清清地嘅椰水湯底幾啱近排咁乾燥嘅天氣食，可以滋潤一下身體。椰子雞鍋點左半隻，再點多幾樣火鍋配料，兩個人食啱啱好亦都唔會造成浪費。由火鍋上枱到湯水滾起落雞肉，店員都全程幫我地睇實，確保我地食到最嫩滑嘅雞肉。其實有左呢個藍色漏斗計時，我地都知幾時可以食的了但店員嘅貼心真係加分不少。椰子鍋好了之後店員更先為我地隔去多餘雞油，等我地可以先試清甜嘅椰水。因為個湯底全用上椰青水做成，飲落清甜回甘，浸泡雞肉後湯汁更多了一層肉香嘅醇厚，絕對值得飲返碗湯先開始食。因為雞肉其實係浸熟嘅關係，所以肉質保持嫩滑就算係雞胸位都唔會鞋口，同埋係採用新鮮文昌雞嘅關係，肉味比較香，加上由辣椒／南薑調配
一入黎覺得呢度似Ｋ房多過餐廳，因為現場樂隊唱住歌，配合埋個環境好有FELL。咁啱今晚嘅歌曲大部分都係陳奕迅嘅歌，好似天下無雙／陀飛輪／歲月如歌等，我地都邊食邊跟住唱。期間仲有林俊杰／田馥甄等台灣歌曲，主音都唱得幾唔錯，為我地呢餐生色不少。
椰子雞之前都係旺角食過，覺得清清地嘅椰水湯底幾啱近排咁乾燥嘅天氣食，可以滋潤一下身體。椰子雞鍋點左半隻，再點多幾樣火鍋配料，兩個人食啱啱好亦都唔會造成浪費。
由火鍋上枱到湯水滾起落雞肉，店員都全程幫我地睇實，確保我地食到最嫩滑嘅雞肉。其實有左呢個藍色漏斗計時，我地都知幾時可以食的了但店員嘅貼心真係加分不少。
生態原味椰子雞鍋
35 views
0 likes
0 comments
椰子鍋好了之後店員更先為我地隔去多餘雞油，等我地可以先試清甜嘅椰水。因為個湯底全用上椰青水做成，飲落清甜回甘，浸泡雞肉後湯汁更多了一層肉香嘅醇厚，絕對值得飲返碗湯先開始食。
因為雞肉其實係浸熟嘅關係，所以肉質保持嫩滑就算係雞胸位都唔會鞋口，同埋係採用新鮮文昌雞嘅關係，肉味比較香，加上由辣椒／南薑調配嘅柑桔醬油，非常好味亦好夾其他火鍋食材。
炸響鈴
23 views
0 likes
0 comments
食得呢個椰子雞鍋必點炸響鈴，因為香脆響鈴吸飽椰子湯汁後，腐皮嘅香加上湯汁嘅甜真係好好食。
安格斯肥牛粒
28 views
0 likes
0 comments
安格斯肥牛粒。大小都有成粒麻將咁大，放入湯水中分半鐘至兩分鐘就啱啱好熟透。入口軟嫩，油香同肉香並重但又唔覺油膩。再沾上少少柑桔醬油更帶出牛肉嘅味道。
鮮蝦雲吞
32 views
1 likes
0 comments
自家製鮮蝦雲吞大大粒好足料，皮薄又滑，餡料入面起碼有兩粒蝦仁加上豬肉比例適中，一啖一粒最滋味。因為本身都調好味道所以單單以椰湯配搭就足夠了，
白鱔片
24 views
0 likes
0 comments
見呢度有白鱔片，即刻都柯打返碟黎食因為唔係度度都有。因為秋冬都係鱔魚當造季節，所以食落好肥美仲有淡淡鱔魚獨有嘅陳皮甘味。同埋鱔片厚切嘅關係，食落更覺彈牙再沾上柑桔醬油可以辟去僅餘嘅腥味，更易入口。
成晚聽住樂隊賣力獻唱，再加上暖昱昱嘅椰子雞鍋，真係視覺／聽覺及味覺嘅三重享受。以後想食椰子雞又多左個好地方了，唔使返大陸更唔使出旺角近近地係荃灣附近就有呢間同仁四季音樂主題餐廳，仲有LIVE BAND聽住食，正。
Post
