寬巷子 (Closed)

雖然天氣只是微凉，但媒體日日都報導話有冷鋒到，令人好想去打邊爐。這間店是我收藏在想去的食肆名單內其中一位，終於的起心肝去試了。有靚海景，有靚裝修，每一道食物的擺設都很適合打卡。打邊爐最緊要食物夠新鮮，這點做到了，份量亦足夠，性價比合理。雖然樣樣都想試，可惜我地得兩個人，叫唔倒咁多，打邊爐始終都係適合四人或以上。東方美人鍋底，湯料很特別，飲完唔會覺得好口渴。服務員很坦白，我地問佢壽司盛合如果成份放入鍋內，牛肉豈不是會太熟？佢話：會㗎。只係比客人打卡，你要分開淥，鮑魚同蝦都係。btw，蝦係新鮮蝦，甜美。最後，烏梅汁係一個驚喜，特別係當你食左好多肉嘅時候，飲一啖落肚，如甘露。