鳴虎 (馬頭圍道) (Closed)

最近先知道原來紅磡有一條新嘅美食街，仲要掛滿咗日式燈籠，滿滿嘅日本風🇯🇵 舖頭嘅裝修好有日本feel，睇餐牌時碗碗麵望上去都好吸引🤤四國香蔥油拉麵 $88我最後揀咗呢碗「綠虎」，有大量嘅香蔥同蔥花，係香蔥控必選👍🏻香蔥獨特而濃郁嘅香味同拉麵好夾，個豬骨湯底唔會太油膩，啱啱好。叉燒厚薄肥瘦適中，加埋溏心蛋好滿足蝦味噌豬骨湯拉麵 $88朋友揀咗「鳴海老」，我都試咗少少，蝦湯超濃郁，兩碗麵都係幼麵，幼麵更加掛湯👍🏻龍蝦沙律 $38龍蝦肉加上日式沙律醬，爽口鮮甜又開胃😋用脆卜卜紫菜夾住食，外脆內軟，口感好正🍶一入餐廳就見到一大個酒櫃，原來佢哋有做「清酒放題」，星期一至四$238任飲清酒70分鐘，包括有梵、獺祭、久保田、吉野杉同一般義，啱哂飲得嘅朋友仔