Burger's Friend Forever (嘉峯匯)

Open Now

Now Closed

今日去探訪朋友在啟德新居, 朋友帶我去試呢間漢堡店，啟德現在都相當方便，地鐵站一出行5分鐘就到。餐廳裝修行簡約水泥風，樓底相當高，內裡擺設是彷照美國漢堡店設計，背景音樂都是美式，感覺令人放鬆。 水牛城雞肉漢堡 $78 漢堡要share其實好難，但店員細心的幫我地完整切開一半，讚！漢堡包底及面烘至非常香脆，照燒雞扒切片倒上了水牛汁，不辣但惹味，加上大大塊芝士好似好膩，但配上了蕃茄、洋蔥、生菜中和口感，好味！ 菠蘿蝦堡 (加配套餐$25 薯格+汽水) $115 跟餐有汽水一罐，並可以選擇小食：香脆有皮薯條/薯格/田園沙律，如果再補多少少錢可以揀薯條/洋蔥圈/一口芝士/韓式雞粒，以小店來説算是很多選擇了。蝦堡其實好少漢堡店有提供，這個蝦堡相當出色，蝦肉非常厚身，但可以做到爽口彈牙，出色！炸粉不算是太厚，加上菠蘿的鮮甜，口感一流。 薯格炸至金黃香脆，點茄汁一起吃，香脆口感令人停唔到口，好快就食曬。