韓米 (雅都花園商場) (Closed)

今日去屯門做完工作，剛好差不多晚飯時間。又繼續外賣回家晚餐的日子。突然好想食韓國紫菜包飯，路經屯門華都商場發現有一間韓式小店。二話不說一於行兩步埋去睇睇有乜好野食先。華都商場於屯門歷史悠久，屬舊式風格的小型商場。而食店便位於商埸內的小food court，店前即設置有枱櫈，可以供人客自助休息及享用食物。小店雖小，但食物選擇也頗多，紫菜包飯也有十款口味之多。而且大部份食物即叫即製，所以大家需要耐心等待。今晚兩個人食，我最後點了兩份便當加紫菜包飯。埋單兩百蚊有找。目測便當分量不少，分分鐘夠三個人食。我首選了至愛「牛肉紫菜包飯」（$48），包飯十分足料，食到韓國大媽的味道。另外再揀咗兩款便當「牛仔骨便當」（$78），牛仔骨配有洋蔥，肉嫩多汁。便當白飯加有紫菜絲，另配有泡菜、炸餃子及炸紫菜卷等前菜小食，可謂製作認真。「五花腩便當」（$62）五花腩本身豬肉油香，再配上韓式燒肉汁，十分滋味。整體全部做到韓式風味，一邊食一邊如置身韓國中。其實呢間小店還有很多不同韓國風味前菜及小食，下次一定要再嚟試一試其他食物。