泰國大城船麵

Open Now

Now Closed

吾知多吾多人中意食泰國菜，我本身都中意食泰國菜，泰國菜近呢幾年多咗條line系食船麵，就咁$100以內當晚餐真系好划算。銅鑼灣最近開咗間船麵店，咁啱經過先知，都有吾少人幫襯。精選2人套餐$298都幾抵食，有前菜、2款主菜同埋小食/甜品，啱曬選擇困難症嘅人。多款船麵供客人選擇，除咗船麵仲有吾少泰式主菜，幾個朋友仔黎食都適合。泰式炒通菜香氣十足傳統蘿蔔糕就食得多，泰式炒蘿蔔糕到底會系咩味道？蘿蔔糕配以蝦肉同埋芽菜，蝦肉爽口彈牙都幾新鮮。蘿蔔糕口感都同平時食開都有啲似🤪只系會幾淋，辣醬味道明顯，幾有新鮮感。次次食泰國菜都會食生菜包，今次都吾例外，有雞肉或者豬肉，雞肉相對特別所以揀咗雞肉。就咁食原來冇乜味🤣事先未醃製，醃料擺咗喺隔離，撈埋一齊食都有啲辣🥵味道不錯。咁多款船麵入面揀咗豬肉丸拼牛丸，豬肉丸有少少甜味，同牛丸一樣都好爽口易咬，表面戈啲炸豬皮都好香脆可口😋原本配以河粉，轉咗金邊粉，吸埋濃郁夠味嘅湯底好滋味。逢親泰國餐廳有泰式奶茶都會叫，呢度嘅泰式奶茶好抵飲😍$28就咁大杯！奶同茶嘅比例均勻，同埋次次飲泰式奶茶都驚會太甜，好彩呢度冇呢個問題。