Video
Read full review
2019-12-18
6060 views
<<呀媽帶我去威系列>>6呀媽講左好耐話想黎呢間位於ICC 118樓既bar，見到openrice有8折，所以終於就book左同佢黎食啦～118樓真係唔同啲，香港既夜景原來係咁靚～因為我地勁早就黎飲野，所以幾乎係無乜人～小本本design好靚～本來我揀左另一杯wood，但侍應提我個杯比較strong，雖然寫住bitter chococlate，但基本上唔會飲到朱古力味，而且比較smoky。然後佢推介左一杯metal比我，話都係比較受歡迎，而且無咁strong。聽佢講果然無錯呢杯好岩我，造型靚靚，有啲酸酸甜甜咁，但係又唔會過份甜，唔會好strong，比較適合女仔飲。跟住呀媽聽到呢杯比較strong之後，馬上揀左我原先揀呢杯造型比較獨特，我試左一啖，唔會話真係好strong，不過的確唔係我鐘意既味道。然後我地點左個迷你和牛漢堡，加洲卷同芝士蛋糕食。佢呢個和牛漢堡真係無得彈，牛肉多汁軟嫩，麵包新鮮鬆軟，稍為烘過一下，十分香口。加洲卷唔係平時壽司鋪食開個款，佢呢個包蟹肉同牛油果。牛油果睇得出應該岩岩切無耐，蟹肉完全唔腥，有少少沙律醬係入面，又係好好食。最後既芝士
呀媽講左好耐話想黎呢間位於ICC 118樓既bar，見到openrice有8折，所以終於就book左同佢黎食啦～
118樓真係唔同啲，香港既夜景原來係咁靚～因為我地勁早就黎飲野，所以幾乎係無乜人～
小本本design好靚～
Citrus - Fermented Tea
$198
134 views
1 likes
0 comments
本來我揀左另一杯wood，但侍應提我個杯比較strong，雖然寫住bitter chococlate，但基本上唔會飲到朱古力味，而且比較smoky。然後佢推介左一杯metal比我，話都係比較受歡迎，而且無咁strong。聽佢講果然無錯呢杯好岩我，造型靚靚，有啲酸酸甜甜咁，但係又唔會過份甜，唔會好strong，比較適合女仔飲。
Oak - Bitter chocolate
$168
99 views
0 likes
0 comments
跟住呀媽聽到呢杯比較strong之後，馬上揀左我原先揀呢杯造型比較獨特，我試左一啖，唔會話真係好strong，不過的確唔係我鐘意既味道。
然後我地點左個迷你和牛漢堡，加洲卷同芝士蛋糕食。
Mini wagyu burger
$200
86 views
0 likes
0 comments
佢呢個和牛漢堡真係無得彈，牛肉多汁軟嫩，麵包新鮮鬆軟，稍為烘過一下，十分香口。
California
$160
70 views
0 likes
0 comments
加洲卷唔係平時壽司鋪食開個款，佢呢個包蟹肉同牛油果。牛油果睇得出應該岩岩切無耐，蟹肉完全唔腥，有少少沙律醬係入面，又係好好食。
Upside down cheese cake with pineapple and yuzu sobert
$120
61 views
0 likes
0 comments
最後既芝士蛋糕配菠蘿及柚子雪芭。雪芭有濃濃既柚子味，菠蘿輕輕燒過，有層焦糖係上面，食落去酸酸甜甜，而且都幾多汁。芝士蛋糕雖然比較細，但係十分軟滑，同埋有好香既奶同芝士味。
埋單760蚊左右，咁既價錢，有咁既景同咁既食物質素，都算係十分之抵，而且氣氛都好好，可以比人relax下。侍應都好nice，有過黎介紹下佢地既cocktail同埋同客傾下計。
Post
