Video
Read full review
2023-05-27
303 views
呢間餐廳開始越來越多分欠，今次嚟到俾俗稱為美食沙漠嘅馬鞍山，居然有佢👍🏻梅壽司盛合一盤有十二款：縞鰺、墨魚、海膽、松葉蟹爪、牡丹蝦、玉子、吞拿魚、大拖羅、油甘魚、平目魚、真鯛、帆立貝。完全包攬晒我最喜歡嘅刺身種類。墨魚爽身；大拖羅油份澎湃，可以放尾段品嚐；牡丹蝦帶點黏口；帆立貝鮮甜；松葉蟹肉鹹香實淨；縞鰺魚脂充分；平目魚透白，口感細緻。👍🏻原條星鰻壽司盛盒一共八件壽司，最為奪目一定係長長肉身嘅星鰻，燒得香香甜甜不帶幼骨；左口魚更食到滿腔油香；火炙三文魚極度肥美；炙燒佐賀和牛壽司顏色粉嫩，食落比較生但口感好軟。👍🏻串燒分別叫左鹽燒牛舌同白鱔。牛舌絕對係小編嘅終極推介，爽口得黎又夠厚度，點上芥末醬更為解膩；白鱔外皮香脆，肉質爽滑，沾上柚子醋亦係絕配。👍🏻壽司額外點上特盛蟹肉蟹膏軍艦、炙燒魚背壽司、炸軟殼蟹手卷、吉列蝦飯卷。軍艦嘅蟹膏完全滿瀉，入口甘飴；炸完嘅軟殼蟹非常酥脆，毫不油膩，脆身嘅紫菜打完卡就要即刻食啦；魚背壽司油份最重，特別滋味。吉列蝦飯卷捲得實淨，食落有脆卜卜嘅口感(⁎⁍̴̛ᴗ⁍̴̛⁎)👍🏻日本岩蠔餐廳亦都有一個時令餐牌，當日有豊洲直送嘅日本岩蠔，蠔肉飽滿，食落有非常重身又夠濃厚嘅礦物
👍🏻梅壽司盛合
一盤有十二款：縞鰺、墨魚、海膽、松葉蟹爪、牡丹蝦、玉子、吞拿魚、大拖羅、油甘魚、平目魚、真鯛、帆立貝。完全包攬晒我最喜歡嘅刺身種類。墨魚爽身；大拖羅油份澎湃，可以放尾段品嚐；牡丹蝦帶點黏口；帆立貝鮮甜；松葉蟹肉鹹香實淨；縞鰺魚脂充分；平目魚透白，口感細緻。
👍🏻原條星鰻壽司盛盒
一共八件壽司，最為奪目一定係長長肉身嘅星鰻，燒得香香甜甜不帶幼骨；左口魚更食到滿腔油香；火炙三文魚極度肥美；炙燒佐賀和牛壽司顏色粉嫩，食落比較生但口感好軟。
👍🏻串燒
分別叫左鹽燒牛舌同白鱔。牛舌絕對係小編嘅終極推介，爽口得黎又夠厚度，點上芥末醬更為解膩；白鱔外皮香脆，肉質爽滑，沾上柚子醋亦係絕配。
👍🏻壽司
額外點上特盛蟹肉蟹膏軍艦、炙燒魚背壽司、炸軟殼蟹手卷、吉列蝦飯卷。軍艦嘅蟹膏完全滿瀉，入口甘飴；炸完嘅軟殼蟹非常酥脆，毫不油膩，脆身嘅紫菜打完卡就要即刻食啦；魚背壽司油份最重，特別滋味。吉列蝦飯卷捲得實淨，食落有脆卜卜嘅口感(⁎⁍̴̛ᴗ⁍̴̛⁎)
👍🏻日本岩蠔
餐廳亦都有一個時令餐牌，當日有豊洲直送嘅日本岩蠔，蠔肉飽滿，食落有非常重身又夠濃厚嘅礦物味。
👍🏻信州蘋果汽水
混合咗50%嘅果汁，飲落舒暢清新！
💡餐廳所有吞拿魚都由豐洲專門從事吞拿魚批發嘅店舖提供！
Post
