Video
Read full review
2023-11-29
193 views
我們買的套餐，是9pm入座，150分鐘的大閘蟹套餐。先講結論，食物質素好，但上菜打衝風，食得快嘅朋友可試，想慢食嘅人就要諗諗。一入座，店員即問我們要不要加$28飲品任飲，我哋加了。大閘蟹係蒸定的，一落蟹，阿姐已經開始幫我哋蒸定海鮮。我哋一行8人分兩個鍋，但食物並無分兩邊，都係一款車晒落一個鍋度，然後由得你哋分。而佢蒸嘢速度太快，我哋一隻蟹未食完，佢已經蒸熟咗蜆、龍蝦同蠔，我忍唔住叫阿姐停一停，大家都唔想食唔切搞到D海鮮凍晒，阿姐就有D唔耐煩咁停咗一陣，但好快又繼續車落去。好多海鮮明明好新鮮，質素好好，但到入口時已經凍晒。未到個半鐘，就已經上晒所有菜。我以為我哋個餐係兩個鐘，但睇返張套票內容，真係寫150分鐘嗰喎。早早已叫我哋埋單。而未到11pm，阿姐已經清緊我哋張枱。因為佢係每款食物車落一個鍋度，而三蔬（娃娃菜，粟米，南瓜）佢車咗落距離我比較遠的鍋度，佢一手拎起鍋裡剩下的三蔬，我同朋友都有叫佢分落碟度等我哋自己夾，佢拎走咗，我哋以為佢分落碟上，但之後D食物就冇返過來。仍然未到11pm，我仲食緊嘢，阿姐已經想清晒枱上嘅嘢，包括我用緊嘅餐具、醬料同飲品，我截住佢話仲食緊，佢就黑面。一到11
一入座，店員即問我們要不要加$28飲品任飲，我哋加了。大閘蟹係蒸定的，一落蟹，阿姐已經開始幫我哋蒸定海鮮。我哋一行8人分兩個鍋，但食物並無分兩邊，都係一款車晒落一個鍋度，然後由得你哋分。而佢蒸嘢速度太快，我哋一隻蟹未食完，佢已經蒸熟咗蜆、龍蝦同蠔，我忍唔住叫阿姐停一停，大家都唔想食唔切搞到D海鮮凍晒，阿姐就有D唔耐煩咁停咗一陣，但好快又繼續車落去。好多海鮮明明好新鮮，質素好好，但到入口時已經凍晒。
未到個半鐘，就已經上晒所有菜。
我以為我哋個餐係兩個鐘，但睇返張套票內容，真係寫150分鐘嗰喎。
早早已叫我哋埋單。而未到11pm，阿姐已經清緊我哋張枱。因為佢係每款食物車落一個鍋度，而三蔬（娃娃菜，粟米，南瓜）佢車咗落距離我比較遠的鍋度，佢一手拎起鍋裡剩下的三蔬，我同朋友都有叫佢分落碟度等我哋自己夾，佢拎走咗，我哋以為佢分落碟上，但之後D食物就冇返過來。
仍然未到11pm，我仲食緊嘢，阿姐已經想清晒枱上嘅嘢，包括我用緊嘅餐具、醬料同飲品，我截住佢話仲食緊，佢就黑面。
一到11pm，阿姐同另一個阿叔就趕我哋走，話要閂門，我好驚訝咁講：「吓？我哋買個餐係150分鐘嗰喎，照計可以坐到11:30pm」個阿叔黑面吟噚咗一陣，但都冇即時再趕我哋走。
因為食得好趕，我哋有朋友飲嘢只拎咗一罐，諗住食完再飲多少少。到大約11:10pm左右，有人再拎一罐，個阿叔就超唔耐煩咁講：「我哋收工架喇！我哋收11點架！你哋要走架喇！」
咁我同班朋友都係來食開心，唔係求氣，就起身走啦。出到門口，我再check返佢哋營業時間，係到11:30pm的。
可能係因為話事人唔喺度，員工又趕收工，所以係咁趕人走啦…
但真心覺得好不符合商品說明條例，另外就係好有農場餵豬feel，塞飽你好走喇咁。
食物合格以上，服務九流。
Post