意八餐廳 (Closed)

跳完舞當然要食野慰勞下自己啦，同個朋友兩人去左食意八，比左個望街既位置我地，都幾有情調（雖然天色太黑咩都睇唔到）🤪兩個女仔唔食得太多，就叫左柚子雞翼，芝士雜菜同埋一份千島pizza！由於過程都有兩個選擇，最後用包剪揼去決定整個菜單😝柚子雞翼，比我地想像中好，有清新柚子味，雞翼入味，熟得黎唔硬；千島pizza比想像中細塊，直徑得A4紙既闊咁大左右，但味道都唔錯既，正常；芝士雜菜係因為覺得太heavy，要食返啲菜，但我地傻仔左，冇留意到有重芝士，佢成個菜拎去焗，所以好肥呀😂不過都唔差，啲錯同芝士都夾🙂最後叫左養生飲品玫瑰花，味道都正常！整個晚餐最令我意外係同事好好，有笑容有禮貌，好好客😝😝