Video
Read full review
2022-09-21
173 views
👦🏻👧🏻Weekend都放假，梗係要好好地拍拖食好西啦👫。今次我地就黎到九龍灣食日式放題（事關👦🏻好耐無食放題），揀左嗚門割烹作為Weekend既餐廳🍴，希望可以食到一餐滿足既半自助式日式放題🤣。🌟自選主食（三色丼 & 汁燒油甘魚）由於無曬拖羅蓉，所以三色丼就由海膽代替。三色丼有海膽、三文魚籽和火炙鰈魚邊，整體上新鮮無雪味，鮮味十足，海膽食落好Creamy，最值得一讚既係火炙鰈魚邊經炙燒帶有濃濃既油香👍；至於汁燒油甘魚肉質軟熟，加上燒汁實在惹味！🌟刺身基本上可以落單既刺身都經由👦🏻試過曬，有幾樣刺身值得一讚：油甘魚甘甜鮮味，帶濃濃既魚油香味；三文魚厚身無雪味，鮮甜無比；鯛魚晶瑩剔透，咬落去無腥味👍，每人仲會送一隻磯煮鮑魚，十分抵食！🌟壽司🍣每款壽司嘅飯都比較細粒，細細件唔會太飽👍，等我地個肚仔有空間可以食齊咁多款壽司🍣。特別想講既係玉子壽司，舊玉子幾厚身，👧🏻食完都讚不絕口！🌟鍋物//小食//飲品最值得推介既係牛肉湯烏冬同明太子玉子燒，烏冬煙韌滑溜，牛肉湯味道唔會太濃，質素甚至比烏冬專門店高質🥹！👦🏻👧🏻原本只叫左一碗，都追加多一碗👍。至於明太子玉子燒可以話一定要試，厚身玉子食落甜甜地
🌟自選主食（三色丼 & 汁燒油甘魚）
由於無曬拖羅蓉，所以三色丼就由海膽代替。三色丼有海膽、三文魚籽和火炙鰈魚邊，整體上新鮮無雪味，鮮味十足，海膽食落好Creamy，最值得一讚既係火炙鰈魚邊經炙燒帶有濃濃既油香👍；至於汁燒油甘魚肉質軟熟，加上燒汁實在惹味！
🌟刺身
基本上可以落單既刺身都經由👦🏻試過曬，有幾樣刺身值得一讚：油甘魚甘甜鮮味，帶濃濃既魚油香味；三文魚厚身無雪味，鮮甜無比；鯛魚晶瑩剔透，咬落去無腥味👍，每人仲會送一隻磯煮鮑魚，十分抵食！
🌟壽司🍣
每款壽司嘅飯都比較細粒，細細件唔會太飽👍，等我地個肚仔有空間可以食齊咁多款壽司🍣。特別想講既係玉子壽司，舊玉子幾厚身，👧🏻食完都讚不絕口！
🌟鍋物//小食//飲品
最值得推介既係牛肉湯烏冬同明太子玉子燒，烏冬煙韌滑溜，牛肉湯味道唔會太濃，質素甚至比烏冬專門店高質🥹！👦🏻👧🏻原本只叫左一碗，都追加多一碗👍。至於明太子玉子燒可以話一定要試，厚身玉子食落甜甜地，配上明太子醬更加令蛋香特出！雞翼屬於正宗手羽雞翼(連埋雞翼尖)，炸得香脆，用咗啲醬油醃，所以都食到甜甜地，超易入口！而其他小食牛舌、炸蠔、雞軟骨串、炸芝士年糕都值得大家一試！飲品👦🏻👧🏻就叫咗巨峰乳酸特飲同白桃乳酸特飲，想飲解渴啲嘅就可以揀汽水🥤！
總括嚟講，「嗚門割烹」係一間選擇唔算多，但高質既半日式放題，⚠️要注意既係星期六日先會有半放題既自助午餐‼️
Post
