Video
Read full review
2023-08-05
35 views
❤️🧡💛💚💙💜🤎🤍見到後面個背景色彩鮮艷,七彩繽紛就係土瓜灣嘅🌸萬花燈火OMG🌸，睇相就睇得多，親身見證都係第一次，一入到去就好似身處喺萬花筒裏面咁😱，無論係地板定牆身甚至去到天花都唔會放過每一個位置嘅反射，由乾花，玻璃，鏡，甚至一枱一櫈都非常有特色，每一張枱都會有一個真嘅萬花筒俾你望吓餐廳嘅四周圍😆，樓底較高，非常適合打卡，而座位方面都相當闊落，坐得舒適，碗碟都非常搶眼😍😍我哋今日嚟到食lunch，嚟之前記得睇清楚營業時間啦，落咗場就白行一趟🍝香煎日本帶子黑松露忌廉意大利粉 $188 :呢間打卡餐廳自自然然就會多咗好多慕名而來嘅客人，所以價錢方面就比較貴，但我覺得食物質素同價錢唔係好合乎，雖然呢款帶子都叫係厚身同大粒，但係整體份量比較少，配料亦唔算多，整體味道都算一般😩😩🍹5層朱古力國度 $72 :呢一杯凍嘅朱古力沙冰，出奇地又有驚喜，裡面有朱古力，阿華田，朱古力醬，朱古力碎，棉花糖 同cream等🥰，再做出沙冰效果，雖然全部都係朱古力味，但甜度又覺得啱啱好唔算好甜，又唔覺得太膩，所以唔錯😋🍹熱黑糖生薑咖啡 $52 :另外呢杯熱嘅黑糖咖啡𥚃面加咗生薑，味道都超濃郁🤤，又唔會冇咗咖啡本身
見到後面個背景色彩鮮艷,七彩繽紛就係土瓜灣嘅🌸萬花燈火OMG🌸，睇相就睇得多，親身見證都係第一次，一入到去就好似身處喺萬花筒裏面咁😱，無論係地板定牆身甚至去到天花都唔會放過每一個位置嘅反射，由乾花，玻璃，鏡，甚至一枱一櫈都非常有特色，每一張枱都會有一個真嘅萬花筒俾你望吓餐廳嘅四周圍😆，樓底較高，非常適合打卡，而座位方面都相當闊落，坐得舒適，碗碟都非常搶眼😍😍我哋今日嚟到食lunch，嚟之前記得睇清楚營業時間啦，落咗場就白行一趟
🍝香煎日本帶子黑松露忌廉意大利粉 $188 :呢間打卡餐廳自自然然就會多咗好多慕名而來嘅客人，所以價錢方面就比較貴，但我覺得食物質素同價錢唔係好合乎，雖然呢款帶子都叫係厚身同大粒，但係整體份量比較少，配料亦唔算多，整體味道都算一般😩😩
🍹5層朱古力國度 $72 :呢一杯凍嘅朱古力沙冰，出奇地又有驚喜，裡面有朱古力，阿華田，朱古力醬，朱古力碎，棉花糖 同cream等🥰，再做出沙冰效果，雖然全部都係朱古力味，但甜度又覺得啱啱好唔算好甜，又唔覺得太膩，所以唔錯😋
🍹熱黑糖生薑咖啡 $52 :另外呢杯熱嘅黑糖咖啡𥚃面加咗生薑，味道都超濃郁🤤，又唔會冇咗咖啡本身嘅味，所有味都好平均，飲得出夾雜着咖啡香，但又有薑果種暖胃感覺，超適合女士😌
🍨阿爾卑斯雪山小屋 $148 :另外嗌咗呢一款甜品，價錢亦都唔平，不過賣相幾特別，首先外層有士多啤梨同西瓜嘅醬汁，然後切開裏面就係手製嘅伯爵茶味蛋糕，仲有士多啤梨粒作點綴，呢幾款配搭好特別，又幾新穎，食落去口感又唔錯👍🏻👍🏻
Post
