Video
Read full review
2024-01-22
444 views
上星期下午茶時間，嚟到朗豪坊附近搵食，嚟到呢間試食。下午茶餐由$30一個菠蘿油加熱奶茶，到最貴$62嘅安格斯牛肉湯河都有，但我都係睇唔啱，結果要咗個常餐，沙嗲牛麵配半件油多、一條香草腸及蔥花炒蛋，一杯熱奶茶，盛惠$56。先唔講食物，講燈光。由於呢間餐廳啲燈全部都係黃光，所以影出嚟嘅食物及餐牌都係偏黃色，沙嗲牛肉麵同奶茶算係好彩有一次唔係出現黃色，被我拍低咗。講返食物，蔥花炒蛋，啲蔥得幾粒，而且淡口，食落個味道似加咗幾粒蔥花嘅老麥嘅炒蛋，香草腸烚熟唔係煎，係油多有些少鹹鹹地，其餘兩樣係無味嘅。沙嗲牛肉麵，賣相唔得，而且啲麵煮得過腍，唔得爽，唔好食，沙嗲牛肉一般，食唔到沙嗲應該要有嘅香味。奶茶算係呢個餐比較好嘅一樣嘢，但收成$56一個常餐，附近唔知會唔會有更好嘅選擇呢？
下午茶餐由$30一個菠蘿油加熱奶茶，到最貴$62嘅安格斯牛肉湯河都有，但我都係睇唔啱，結果要咗個常餐，沙嗲牛麵配半件油多、一條香草腸及蔥花炒蛋，一杯熱奶茶，盛惠$56。
先唔講食物，講燈光。由於呢間餐廳啲燈全部都係黃光，所以影出嚟嘅食物及餐牌都係偏黃色，沙嗲牛肉麵同奶茶算係好彩有一次唔係出現黃色，被我拍低咗。
講返食物，蔥花炒蛋，啲蔥得幾粒，而且淡口，食落個味道似加咗幾粒蔥花嘅老麥嘅炒蛋，香草腸烚熟唔係煎，係油多有些少鹹鹹地，其餘兩樣係無味嘅。
沙嗲牛肉麵，賣相唔得，而且啲麵煮得過腍，唔得爽，唔好食，沙嗲牛肉一般，食唔到沙嗲應該要有嘅香味。
奶茶算係呢個餐比較好嘅一樣嘢，但收成$56一個常餐，附近唔知會唔會有更好嘅選擇呢？
Post
