One More Hotpot 來一鍋 (Closed)

今日收工約咗朋友出銅鑼灣一齊行街，見天氣凍凍地，所以想去食任食火鍋，上Openrice搵到附近呢間新開未試過，見抵食所以去試吓。六點鐘上到去應該係第一批，但已經有人入座，一坐低個侍應好熱心介紹佢地有幾個任食嘅套餐同分別。雖然我地唔好酒，佢推介有個紅白酒任飲幾抵。另外其他飲品都好多選擇任飲。揀左清湯，係冬瓜白肉卜卜蜆鍋，大大個冬瓜係底，面超多洋蔥，未見過咁多，哈哈～手切安格斯肥牛片，色澤靚紋好平均，好味，可惜得一碟。海鮮船，海鮮超級大隻，鮑魚，象拔蚌，大蝦，乜都有， 扎扎跳，物超所值。另外個響鈴超搞笑超大。最後竟然仲有甜品心太軟。呢個價錢，任食任飲，又想食火鍋嘅朋友，值得一試。