A-1 Bakery & Châteraisé (Closed)

唔知由幾時開始因為有好多麵包蛋糕舖都無餅房又或者無師傅長註所以要加字嘅蛋糕要早幾日訂，有啲仲要加錢，話說有一年12月尾想訂個蛋糕慶祝生日，喺一間連鎖店早4日訂個cake想加字，職員答x mas 前後就算加錢預訂都無得加字，嗰一刻真係覺得好委屈😭。今次嘅經驗令我覺得呢個城市終於正常返了😢，話說突然想買個蛋糕慶祝，原來staff可安排立即加字仲要係免費，而且蛋糕都唔貴，半磅120蚊，嗰一刻覺得好感動🥺，唔知幾耐無感受過呢啲服務而係合理價錢。呢間連鎖店唔係第一次幫襯了，之前買過年輪蛋糕，其實佢每間舖嘅裝修都好一致，好整潔❣，好日式👍，日本品牌係唔同啲。蛋糕個盒都幾靚，半磅蛋糕芒果唔多，cream都適中，唔會太多，蛋糕鬆軟，整體都可以。