Video
Read full review
2016-08-29
1865 views
餐廳喺聖保祿學校隔離，銅鑼灣地鐵站f出口一出，穿過渣甸街同敬誠街對面就係，識行嘅都唔使五分鐘。餐廳裏面有少少實驗室嘅感覺，企低咗冇幾耐之後廚師就會介紹自己同埋身邊嗰位靚女助手，之後佢喺每做一道分子料理之前都會介紹，究竟呢一道分子料理係用咩化學作用整成既，而廚師本身亦都係化學科畢業，能夠寓興趣於事業，真係有意思嘞。哈密瓜分子晶球配西班牙黑毛豬火腿，碗哈密瓜蓉落咗某一隻穩定劑之後再放喺中間嗰份有鈣嘅水入面就會形成晶球，再用匙羹輕輕不起，放喺一塊45個月嘅parma ham上面，廚師話食嘅時候要一啖啪落口，45個月嘅parma ham 唔使講都知無敵啦，加埋呢個咁特別嘅分子哈蜜瓜，真係好玩得嚟又好食啊。櫻花蝦肉鬆雲吞配日式高湯，個日式高湯係用虹吸咖啡嘅方法煮成既，材料有昆布，大地魚同埋蝦子，味道有少少似雲吞麵嗰個湯底。個櫻花蝦肉鬆雲吞勁搞笑，雲吞皮係透明嘅，廚師叫我哋一啖啪落口，雲吞皮入口即溶，跟手就滲出櫻花蝦同肉鬆嘅香味，同個高湯好襯。柚子醋粉末配櫻桃蘿蔔三文魚籽針魚刺身，呢度菜賣上好精美，啱哂我呢啲貪靚嘅妹豬，呢道菜嘅形成係首先倒啲液態氮落個碗度，跟住就倒啲柚子醋落去，當柚子醋遇到極低溫
餐廳喺聖保祿學校隔離，銅鑼灣地鐵站f出口一出，穿過渣甸街同敬誠街對面就係，識行嘅都唔使五分鐘。
餐廳裏面有少少實驗室嘅感覺，企低咗冇幾耐之後廚師就會介紹自己同埋身邊嗰位靚女助手，之後佢喺每做一道分子料理之前都會介紹，究竟呢一道分子料理係用咩化學作用整成既，而廚師本身亦都係化學科畢業，能夠寓興趣於事業，真係有意思嘞。
哈密瓜分子晶球配西班牙黑毛豬火腿，碗哈密瓜蓉落咗某一隻穩定劑之後再放喺中間嗰份有鈣嘅水入面就會形成晶球，再用匙羹輕輕不起，放喺一塊45個月嘅parma ham上面，廚師話食嘅時候要一啖啪落口，45個月嘅parma ham 唔使講都知無敵啦，加埋呢個咁特別嘅分子哈蜜瓜，真係好玩得嚟又好食啊。
櫻花蝦肉鬆雲吞配日式高湯，個日式高湯係用虹吸咖啡嘅方法煮成既，材料有昆布，大地魚同埋蝦子，味道有少少似雲吞麵嗰個湯底。個櫻花蝦肉鬆雲吞勁搞笑，雲吞皮係透明嘅，廚師叫我哋一啖啪落口，雲吞皮入口即溶，跟手就滲出櫻花蝦同肉鬆嘅香味，同個高湯好襯。
柚子醋粉末配櫻桃蘿蔔三文魚籽針魚刺身，呢度菜賣上好精美，啱哂我呢啲貪靚嘅妹豬，呢道菜嘅形成係首先倒啲液態氮落個碗度，跟住就倒啲柚子醋落去，當柚子醋遇到極低溫就即刻硬化變成一塊塊好似蝦片咁嘅物體，之後再用攪拌器將硬左嘅蝦片攪成粉狀，用呢個柚子粉末，包裹住條針魚，又係一啖啪落口，強烈嘅柚子味同針魚刺身做到好朋友，廚師提醒我哋啲柚子粉末要快啲食，如果唔係擺係室溫好快就會融哂。
龍蝦慕斯配魚子醬椰菜花，第一啖先食龍蝦慕絲同埋面頭嗰堆魚子醬，打成慕絲嘅狀態龍蝦味都能夠 keep 到咁濃，襯埋魚子醬一齊食勁正，可惜每人只係得一啖，跟手就可以食下面嘅椰菜花同埋龍蝦慕絲，椰菜花用70度慢煮20分鐘再研碎，慢煮嘅牛扒同三文魚就食得多喇，慢煮嘅蔬菜都係第一次食，味道方面比平時白烚嘅更加清，更加有青菜嘅味道。
特級初榨橄欖油慢煮三文魚配檸檬橄欖，三文魚經過慢煮後保留到大部份嘅營養，亦都令到口感更加嫩滑，加埋檸檬橄欖同埋紫洋蔥，味道配合得天衣無縫，正啊。
煲仔西班牙飯配分子蒜香忌廉，個分子蒜香忌廉係用一部養金魚嗰隻打氣機，將蒜香忌廉打到起泡，食既時候不一羹氣泡落羹飯度，氣泡個蒜味好濃郁，西班牙飯硬度適中，有啖啖既海鮮味。黎緊佢地好似話會添加一啲新元素落啲菜式度喎，等我遲啲又黎試吓先。
Post
