The Platter (悦品天秀酒店‧元朗) (Closed)

老公生日，想租間新界西既酒店Staycation,見到The Platter呢個Package平得黎包一餐自助晚餐就訂了。半自助晚餐黎講，佢既沙律同甜品吧選擇真係唔多，而且睇落好食會想夾既更少。最好食既係麵包糠，應該係用蒜蓉包黎整，好香口。貌似最唔伏的中華沙律，好淡口，勝在夠凍。甜品方面有隻港式雪糕，有啲味望落好奇怪唔夠膽試……例如係麻辣味。食左雲呍拿同玄米茶味，唔Creamy, 但都算正常雪糕味。主菜方面，睇到好多人都話個牛扒Overcooked. 就算已經叫五成熟已經都係好熟，惟有自己切細舊啲食冇咁老。不過個薯菜又真係好有驚喜！超Creamy, 香，外層焦脆，有淡淡菜味，仲食到薯仔塊，暖笠笠食真心好想瘋狂Encore! 整體而然如果用Package價食呢度環境，再加酒店鋸扒黎講，佢性價比都真係算幾高，好收貨。不過如果75折淨係過黎食晚餐，我相信呢個價都仲有大把選擇。