Video
Read full review
2023-02-03
1645 views
🌟餐廳：華記潮州滷水車仔麵📍地址：西環西營盤正街40號地舖💰價位：～$50⏰營業時間：星期一至日 11:00 - 22:00📱電話：6564 3399西環一向都有好多中式及潮州粉麵店~難得今日去開呢頭附近，就等我中午揀返間特色既粉麵店醫下肚~今次去左呢一間「華記潮州滷水車仔麵」，主打潮式牛腩牛雜及車仔麵，價錢出哂名親民！———————————————————🔹牛三寶(牛筋，牛腩及牛肚)呢款牛三寶份量認真充足~牛三寶有齊牛筋、牛腩及牛肚，而且仲配埋幾件大大件既白蘿蔔，超正！幾款牛既部位都炆得夠淋又夠入味，我最鍾意牛筋，滷水味濃而不咸，膠質豐富，口感十足，食落好滋味！餐廳仲可以比我地選擇多蔥花及芫茜，搭配一齊食，更加惹味~———————————————————🔹新鮮魷魚鬚超惹味既小食~魷魚鬚大大碟，夠哂豐富，抵食！！入口新鮮爽彈，搭配餐廳秘制辣汁，微微辣食得好過癮，必試之選！———————————————————🔹自選車仔麵 (油麥菜底 配 牛肉餅，魚片頭，牛丸，豆腐串，春卷，雞翼)呢度既車仔麵性價比極高，我地忍唔住叫左超多餸~我地揀左油麥菜底及滷水汁湯底，冇咁飽可以試多幾款餸haha！每
📍地址：西環西營盤正街40號地舖
💰價位：～$50
⏰營業時間：星期一至日 11:00 - 22:00
📱電話：6564 3399
西環一向都有好多中式及潮州粉麵店~難得今日去開呢頭附近，就等我中午揀返間特色既粉麵店醫下肚~今次去左呢一間「華記潮州滷水車仔麵」，主打潮式牛腩牛雜及車仔麵，價錢出哂名親民！
———————————————————
🔹牛三寶(牛筋，牛腩及牛肚)
呢款牛三寶份量認真充足~
牛三寶有齊牛筋、牛腩及牛肚，而且仲配埋幾件大大件既白蘿蔔，超正！
幾款牛既部位都炆得夠淋又夠入味，我最鍾意牛筋，滷水味濃而不咸，膠質豐富，口感十足，食落好滋味！餐廳仲可以比我地選擇多蔥花及芫茜，搭配一齊食，更加惹味~
———————————————————
🔹新鮮魷魚鬚
超惹味既小食~魷魚鬚大大碟，夠哂豐富，抵食！！入口新鮮爽彈，搭配餐廳秘制辣汁，微微辣食得好過癮，必試之選！
———————————————————
🔹自選車仔麵 (油麥菜底 配 牛肉餅，魚片頭，牛丸，豆腐串，春卷，雞翼)
呢度既車仔麵性價比極高，我地忍唔住叫左超多餸~我地揀左油麥菜底及滷水汁湯底，冇咁飽可以試多幾款餸haha！每款車仔麵配料同樣地都係份量十足！大大碗真係超抵食！！
我個人最鍾意雞翼同埋牛肉餅，雞翼夠哂大隻而且滷得入味，肉質仍保持緊緻～手打牛肉餅好彈牙，咬開仲有牛肉肉汁，大推！
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
我一向都好鍾意食車仔麵、粉麵等，配料選擇夠哂多之餘，而且仲快靚正~呢度既粉麵同埋小食，性價比極高，每款都大大份配料充足，而主打既牛三寶炆煮既味道及火喉都非常出色，值得一試~另外餐廳既姐姐好nice勁有禮貌，抵讚啊！！
Post
