極上千島櫻海景放題 (Closed)

呢間野嘅賣點只係得海景，野食根本不值一提！見咁多人寫到咁好都唔知係咪打手嚟😓首先入到去睇下自助區有咩好食啦，一望，啲嘢冇晒又無refill,食晒成餐飯都仲未見到refill😑另外食物質素方面，刺身質素就睇款啦，有啲唔錯，有啲一睇色水灰灰暗暗咁，好唔新鮮。佢哋壽司啲紫菜淋晒，咬幾下先咬得開☹️仲有個雞軟骨…我以為自己食緊炸雞皮，啲軟骨呢去咗邊？？？撇除質素方面，其實一間餐廳煮熟啲嘢食先放上枱係最基本，但呢間係做唔到！嚟個翠玉瓜同個肥牛鍋入面啲菜，全部都非常之咁脆卜卜，爽口到呢☺️呢間真係無下次，如果唔介意食物質素，只係為左個海景你可以去試伏不過都唔建議，同一個商場我諗會有其他更好嘅選擇