Neway Karaoke Box (Closed)

為左一個唔知為咩既聚餐 , 好難得走到咁遠唱K buffet , 最緊要係今晚有人萬歲唔駛錢 , 咪當去食一個平價酒店buffet囉 , 不過我地成8點幾先去到 , 開頭好驚已經比人拎哂d野食得返個盤 , 不過幸好呢間Neway換野食既速度都幾快 , 一見到空盤情況就會換 , 而且間中仲會有d新菜式 , 唔會食黎食去都係個幾樣。友人話估唔到燒鵝味道竟然唔錯 ; 刺身就唔夠新鮮 , 唯有將就下啦 , 始終呢度都係唱K為主buffet只係配角 ; 第一次食K buffet仲有齋叉燒同齋鮑魚粒 , 味道口感都似平時食齋舖個d ; 個人最欣賞係芝士焗雙花 , 因為我係極愛食西蘭花同椰菜花 , 整得好"林"身 , d芝士味道又唔會太濃搞到冇哂菜味 ; 甜品既樣就整得幾靚 , 不過偏甜。 後來仲叫左炸薯條黎食 , 好大碟而且係熱辣辣 , 又比成碗茄汁我地點wor , 都幾周到。總括黎講 , 呢間Neway既buffet唔會比TST個d旺區遜色。