日之食放題館 (Closed)

講真, 呢間o野價錢同食物都唔差, 但服態真係極有問題, 唔係話要酒店服務, 事實係連大牌檔服務都冇.不過唔關普通員工事, 係o個個經理, 同埋某一,兩個捕o係收銀檯o個員工(應該高級D).去過三次, 話明食兩個鐘, 但三次都計唔足數, 未夠鐘就趕你走, 驚死蝕畀你咁. 有次入去前睇過錶, 明明係搭正欏位, 一個鐘後個經理就隊張單o黎, 話最後半個鐘要埋單先. 睇張單都話入座時間係搭正, 但個經理死都話係搭九入座, 只不過佢等埋一次過入單. 張單時間唔可以作準o既話, 佢話幾點入座都得o架啦. 就算係搭九入座, 最後半個鐘都應該搭三先埋單啦, 又畀佢屈多三個字, cut頭cut尾得番個半鐘.又有次冇order包埋魚生個餐, 但有個職員送錯碟細魚生o黎, 以為好似大久保咁有一碟仔送, 咁就食o左. 點知個經理睇到就用質問o既語氣問我o地點解有魚生, 然後拿拿臨成碟欏走, 跟住仲當住我o地面大聲鬧D員工, 個feel好似我o地呃魚生食咁...仲成日聽到個經理同D高級員工o係收銀檯鬧其他客呢樣o個樣, D態度真係好差, black list o左呢間o野.