Video
Read full review
2019-02-26
5740 views
次次行過LCX都見到好多人排呢間韓國菜餐廳，所以都想黎試下佢既吸引力如何，原來週一週二有特別搞韓式放題同埋火鍋火題，韓國放題真係少見，仲要係素食做主題，女士食多啲都唔怕，加上同行友人係素食者，岩哂。餐廳內外餐廳十分之大，幸好較早到唔洗等位，到我地走時出面已經大排長龍，餐廳行到最入有幾個位係貼住落地玻璃對海景，我地分配唔到坐玻璃位，因為唔係繁忙時間入座，2個人都比左張大枱，都坐得舒服。食物選擇我地食左佢週一限定既90分鐘韓國素食放題，唔一定要食放題，你都可以選擇唔食放題散叫，散叫款式好多，只影左幾頁餐牌。(週一限定)90分鐘韓國素食放題 $198選擇總共有15款，包括左前菜、主菜，飲品同甜品就唔包，要另加錢，其實價錢略貴，因為選擇唔多，望望有咩食同味道如何睇下值唔值呢個價。前菜有：炸素魚腐、黑糖麻藥粟米、麻藥薯條、素泡菜芝士薯條、羽衣甘藍煎餅、原味煎餅、健康藜麥沙律及麻醬雪耳沙律。主菜有：板燒未來豬肉漢堡扒生菜包、焗芝士蕃菇未來豬肉丸子、素食風味部隊鍋、板燒芝士菜盤、素豬肉泡菜炒飯、韓國水梨卷及素紫菜拌飯。前菜類：健康藜麥沙律藜麥都頗多，沙律菜新鮮，健康前菜。前菜類：羽衣甘藍煎餅泡菜或者
餐廳內外
餐廳十分之大，幸好較早到唔洗等位，到我地走時出面已經大排長龍，餐廳行到最入有幾個位係貼住落地玻璃對海景，我地分配唔到坐玻璃位，因為唔係繁忙時間入座，2個人都比左張大枱，都坐得舒服。
食物選擇
我地食左佢週一限定既90分鐘韓國素食放題，唔一定要食放題，你都可以選擇唔食放題散叫，散叫款式好多，只影左幾頁餐牌。
(週一限定)90分鐘韓國素食放題 $198
選擇總共有15款，包括左前菜、主菜，飲品同甜品就唔包，要另加錢，其實價錢略貴，因為選擇唔多，望望有咩食同味道如何睇下值唔值呢個價。
前菜有：炸素魚腐、黑糖麻藥粟米、麻藥薯條、素泡菜芝士薯條、羽衣甘藍煎餅、原味煎餅、健康藜麥沙律及麻醬雪耳沙律。主菜有：板燒未來豬肉漢堡扒生菜包、焗芝士蕃菇未來豬肉丸子、素食風味部隊鍋、板燒芝士菜盤、素豬肉泡菜炒飯、韓國水梨卷及素紫菜拌飯。
前菜類：健康藜麥沙律
藜麥都頗多，沙律菜新鮮，健康前菜。
前菜類：羽衣甘藍煎餅
前菜類：羽衣甘藍煎餅
40 views
0 likes
0 comments
泡菜或者海鮮煎餅食得多，羽衣甘藍煎餅都係第一次食，顏色特別，食落幾香口，雖然煎餅唔係健康食物，但用上羽衣甘藍感覺上都健康啲。
前菜類：素泡菜芝士薯條
又係一款少見配搭，泡菜配薯條，本身驚中伏，但上枱後有啲圖文不符，因為冇乜泡菜咁制，加上佢其實唔係薯條，係粗身甜薯，有點比佢個名呃左，皆因好大兜，食落十分飽肚，如果唔中意食放題食咁飽，千祈唔好嗌呢個。
主菜類：板燒未來豬肉漢堡扒生菜包
主菜類：板燒未來豬肉漢堡扒生菜包
53 views
0 likes
0 comments
主菜類：板燒未來豬肉漢堡扒生菜包
101 views
0 likes
0 comments
店內素肉餐牌上既主打，素豬肉扒用普通碟裝住，另外再跟鐵板上，然後有店員幫你放上鐵板，兩邊燒至微焦就食得，素肉以大豆類製成，食落都有彈牙口感，幾入味，另外配生菜比你夾住食，由於唔係真肉，其實生菜冇發揮到降油膩既功用，就咁食素豬肉扒都唔會覺得好膩，不過食一塊都夠，又係比較飽肚，個人認為都可一試。
主菜類：焗芝士蕃菇未來豬肉丸子
一上枱驟眼望有啲似炸雞，用上蕃茄做主調，再灑上芝士，佢既大小一啲都唔似豬肉丸，一粒有拳頭咁大！Order一份有成三大粒，以豆腐整成，食落成舊口感好軟淋淋，似食豆腐咁，比較一般。
主菜類：素食風味部隊鍋
部隊鍋會跟爐上，雖然係放題，但又會上鐵板又上爐，呢點冇馬虎幾值得欣賞。平時食既部隊鍋都十分大份，以上既薯條、素豬肉丸又十分大份，好彩呢個部隊鍋份量迷你，唔怕食飽食唔到其他野，有素香腸、素午餐肉、年糕同公仔麵，唔辣，味道冇乜特別。
飲品、甜品
唔包飲品、甜品，但可以+$38/$88任飲唔同款式飲品，而加$88任飲先可以點每人一份甜品，仲要訂位時落埋單先有，所以我地都冇試。
$198再加一，即大約$220一個人任食15款素食，講真，真係貴，但佢既菜式係幾特別，同埋真係會跟個鐵板同爐上枱，加上位於海港城，如果好彩/訂位時要求可以坐望海景既玻璃位添，不過得幾張枱貼住玻璃，整體偏貴，係食環境同新穎菜式，有機會想食返散叫，試返正宗韓國菜，尤其是炸雞。
Post
