Meat King (Closed)

海膽北海道牛卷嫩滑肥牛包住滿滿既海膽，一啖一件勁鮮甜，加上秘製醬料，好好味，我地兩個瞬間KO成碟。鵝肝壽司鵝肝煎到剛剛好，夠肥夠厚，同壽司飯絕配，一D都唔油膩。安格斯肉眼扒上枱時5成熟左右，塊鐵會慢慢煮熟件牛扒，餐廳好貼心有一塊熱鐵，如果想熟D，可以放牛扒上去煮熟D。我鐘意6成熟，入口多汁嫩軟，濃濃牛肉味，10安士一陣間就食晒。半自助吧沙律吧 - 多種選擇又極新鮮，紅毛生菜、九芽菜、芝麻菜、西生菜、少有既海草沙律、菠蘿、車番茄、三色椒等等，非常豐富，配合8種醬汁(推介青芥末蛋黃醬同紫蘇汁，清新 惹味。輕甜品 - 自家製5款(芝士撻、朱克力撻、啫喱、布丁、甘薯同2款雪糕，細細件，試晒都唔濟。飲料 - 熱湯2種、Coca-cola 旗下汽水6種、新鮮果汁菜汁6種、叻啡或茶包(英式 Twinings 及日式)，種類繁多加$58就可享用，性價比極高。環境位置就腳，地鐵站行5至7分鐘，2樓境觀開揚，裝修時尚，燈光明亮，座位舒適闊落，布置偏重西式，唔講唔知係日式餐廳。服務質素既細心又貼心，個塊小鐵板好搞鬼，俾我整熟塊扒、半自助吧附近有職員介紹同幫忙，不時添水，值得一讚。