Boomshack (Closed)

朋友帶路上黎，坐低之後發現朋友都未黎過：PMenu 好大張～餐具～朋友叫的漢堡包～ 朋友太餓，半分鐘就食晒！我點既炸雞窩夫～配Sour Cream。芝士香濃，好有口感。窩夫微咸。炸雞外皮香脆，但肉質就冇咩味。朋友點既牛肉漢堡。分左少少比我試。朋友覺得我個炸雞好食D，我就覺得佢個漢堡都OK：肉質新鮮有牛肉味，整個包既味道好配合。佢既酸瓜其實都幾好食，不過我朋友就抽左出黎冇食。另一朋友叫墨西哥口味的炸雞窩夫。結果所有配菜我地都點左炸紅菜頭，蛋黃醬十分惹味，與淡味的紅菜頭十分匹配。薯條～吞拿魚蝦刺生。。。呀！唔係！係西瓜沙律！西瓜上面有少少微甜微辣汁，感覺好新鮮特別。炸蕃薯，OK啦！都有水準既～呢度仲有唔同既啤酒揀，不過今日好多都賣晒。