辦館 (KC100) (Closed)

呢排去咗葵興嗰邊返工 ,仲要係星期六都要返, 今日收工之後就落咗樓下間辦館到食lunch ,其實嚟咗之後都有試過 ,已經覺得唔錯 。今日想分享 ,係因為 ,好休閒 坐咗一整個下午,同同事吹吹水, 食嘅嘢係set lunch 。講真, 我呢個大食積 ,就真係覺得細份咗少少 所以 我一個人嗌咗兩份餐 ,四個人總共嗌咗五個餐 唔好以為埋單好貴喎,我就係見佢價錢平所以先嗌多一個四個人埋單都係三百幾蚊, 我仲要坐足佢三個幾鐘。環境舒服又企理 ,價錢又唔貴飲品多選擇一人一個餐湯本身有沙律但係話今日冇唔緊要啦嗌左咖哩飯,卡邦尼意粉,意大利飯,仲有一個長通粉 ,每一個都好出色亦都好足料, 我諗正常一個女仔係夠食嘅 ,但係我真係食大咗個胃 所以忍唔住叫多個。飲品一個叫咗熱率latte 另一個叫咗凍mocha 。 另外兩個同事一個叫咗柚子梳打一個叫咗巨峰提子梳打 四杯嘢咁大家都好滿意 不過我心中有數因為平時得閒我都會喺度買杯特飲上去飲。