Video
Read full review
2021-05-26
50 views
星期六瞓醒起身都已經係中午☀️，我哋散步行陣順便搵嘢食。行到去上環西街發現原來呢度都開咗「Season Plus」，之前喺銅鑼灣食過，質素幾好，所以有信心再次嚟幫襯。餐廳有提供Brunch Menu🍴，包括全日早餐、沙律、意粉同漢堡包等，價錢介乎$88至$168不等，每人加$48仲可以任飲紅白酒添🍷。不過留意返個餐本身就唔包任何飲品。傳統早餐伴燒牛肉($168)，早餐有幾個款式，主要分別係原味再配搭唔同嘅食材。我哋就揀咗燒牛肉🥩，齋睇個樣已經覺得好唔錯，咬落非常多汁，而且牛味亦都濃郁。再者，燒牛肉份量多，切開有成七八塊，超抵食囉！除咗牛肉外，傳統早餐其實好豐富，包括有法包、雞肉腸、原隻大啡菇、新鮮車厘茄、茄汁焗豆、煙三文魚同黑松露炒雞蛋。🥖法包新鮮烘焗，所以好脆。🍅車厘茄有好多粒，味道唔酸，仲好開胃。🍳而炒蛋就炒得好滑好香，黑松露味則作錦上添花。烤焗海鮮拼盤($298)，今日再次嚟到，我哋同樣嗌咗海鮮拼盤，皆因真係覺得佢性價比高👍，拼盤項目包括波士頓龍蝦、扇貝、翡翠螺同虎蝦。海鮮質素大致上都唔差，而且調味仲好惹味，例如🦞龍蝦同扇貝就加咗芝士拎去焗🧀，而翡翠螺同虎蝦就用上蒜蓉🦐，各款味道均
星期六瞓醒起身都已經係中午☀️，我哋散步行陣順便搵嘢食。行到去上環西街發現原來呢度都開咗「Season Plus」，之前喺銅鑼灣食過，質素幾好，所以有信心再次嚟幫襯。
餐廳有提供Brunch Menu🍴，包括全日早餐、沙律、意粉同漢堡包等，價錢介乎$88至$168不等，每人加$48仲可以任飲紅白酒添🍷。不過留意返個餐本身就唔包任何飲品。
傳統早餐伴燒牛肉
$168
6 views
0 likes
0 comments
傳統早餐伴燒牛肉($168)，早餐有幾個款式，主要分別係原味再配搭唔同嘅食材。我哋就揀咗燒牛肉🥩，齋睇個樣已經覺得好唔錯，咬落非常多汁，而且牛味亦都濃郁。再者，燒牛肉份量多，切開有成七八塊，超抵食囉！除咗牛肉外，傳統早餐其實好豐富，包括有法包、雞肉腸、原隻大啡菇、新鮮車厘茄、茄汁焗豆、煙三文魚同黑松露炒雞蛋。🥖法包新鮮烘焗，所以好脆。🍅車厘茄有好多粒，味道唔酸，仲好開胃。🍳而炒蛋就炒得好滑好香，黑松露味則作錦上添花。
烤焗海鮮拼盤($298)，今日再次嚟到，我哋同樣嗌咗海鮮拼盤，皆因真係覺得佢性價比高👍，拼盤項目包括波士頓龍蝦、扇貝、翡翠螺同虎蝦。海鮮質素大致上都唔差，而且調味仲好惹味，例如🦞龍蝦同扇貝就加咗芝士拎去焗🧀，而翡翠螺同虎蝦就用上蒜蓉🦐，各款味道均鹹香十足。我認為呢個拼盤係多於兩人份，即使係海鮮，但食完都好飽飽。
講完食物，再簡單介紹下個環境。呢度面積唔大，但裝修都幾四正。而我最鍾意嘅係佢門口用上偽楓葉🍁作裝飾，感覺好有氣氛。難怪天氣咁熱，但咁多人都選擇坐門口位，超寫意的😉。
總括嚟講，呢日喺Season食咗一個好休閒嘅Brunch，好開心😆，放假就應該要係咁樣放鬆食，放鬆玩。可能好多人喺晚市時段都幫襯過餐廳，喪食生蠔海鮮，不過我今日仲發現原來佢個All Day Breakfast都好正㗎，啱哂香港人口味！
Post
