車厘哥夫餅店

Open Now

Now Closed

今日食完午飯，打算搭地鐵返屋企，行經呢間店，心想自從出黎做野後，都沒冇機會幫襯它了，以前兒時爸媽好多時都會去尖咀店買入面的花生朱古力，佢地既花生朱古力真係好好食。今次黎到就睇下有咩好野食先。我入到去見到佢有曲奇餅，就打算買一磅曲奇，原來曲奇唔包花生朱古力，但我要求底下，個店員都放左幾粒花生朱古力俾我，真係好！好耐冇食的朱古力花生味道依然咁好食，花生又香脆，朱古力香甜，真係十年如一日咁好食！反之曲奇就冇咩特別，佢款式唔算多，都有杏仁同一些生果响面頭，但曲奇本質似乎一式一樣，只係鬆化，沒有脆口的。有些深啡色的曲奇都唔知佢係朱古力定咖啡，因為完全食唔到，都只係牛油曲奇味，我覺得佢真係要落返啲功夫先得，比起我在美孚的某餅店，呢度啲曲奇真係一啲都唔凸出，仲要貴過人十蚊，但味道係好食的，只係款式單一而已。