大吉居酒屋 (Closed)

我哋原本諗住去New World 揾嘢食，行過見到Set Lunch幾抵食喎，就試吓啦，我哋 order 咗北海丼($68)、三色丼($60)和天婦羅丼($30)，北海丼和三色丼跟miso soup 和 salad。北海丼 - 有三文魚、三文魚子和海膽，三文魚幾新鮮又肥美，不錯，三文魚子偏咸但可接受，海膽都算新鮮但冇乜香味。三色丼 - 有三文魚、油金魚和帶子，三文魚很肥美，味道不錯，帶子新鮮但冇甜味，油金魚也幾新鮮天婦羅丼 - 有蝦、南瓜、蕃薯、茄子和冬菇，全部都係稔Pat Pat，仔仔都話麻麻哋。食物味道一般，但以呢個價錢都算抵食。