漲格重慶老火鍋 (Closed)

本身係想黎食牛油麻辣火鍋，之前睇片睇住牛油熊仔融落個麻辣湯到覺得好治癒，就好想食，點知要前一日book位果陣講要預訂個牛油熊仔先有😢，所以我地最後叫左個鴛鴦鍋黎食。個麻辣湯底味道普普通通，無話特別香辣，另外一個黑松露野菌豬骨湯雖然無咩黑松露味，但濟咁飲都幾唔錯。火鍋配料黎講串串牛肉都幾新鮮，食材普遍都唔差。我地仲叫左個紅糖糍粑黎食，但唔知點解個糍粑係涼既🙄，覺得好難食。整體黎講價錢定位都較高，湯底食物又無話好出眾。不過個老闆娘好熱情，又問我地覺得d野食點樣可以點改善，有機會再黎黎果話希望會好食d啦