韓珍 (帝國中心) (Closed)

適逢中秋佳節，我們就來食醬油蟹🦀和甜辣炸雞🍗今次食晚市無Book位剛好能入座。前菜 (6/10)：落單後店員很快送上幾碟前菜，適合作為開胃菜啊！醬油蟹 (7/10)：醬汁甜帶微辣，與醬油蟹配合得不錯。有少少蟹膏，蟹肉滑溜，大小適中，味道上醬汁味大於蟹鮮味。紫菜白飯偏乾硬，有少少麻油香，配合醬油蟹吃增加了飽足感。甜辣炸雞 (2/10)：上菜見到有點像咕嚕肉，食落粉比肉多，每件細細舊(「一口炸雞」?)，豉油味很重。本來以為是一整件炸雞，有點失望🥲。環境設施 (7/10)：座位闊落，見旁邊客人燒肉抽風還好。服務質素 (7/10)：店員非常忙碌，收拾速度很快。回頭率 (2/10)：醬油蟹不過不失，甜辣炸雞令人失望。