Video
Read full review
2008-10-13
3 views
尋晚朋友生日想食韓燒, Book咗6:30pm, 未夠鐘已經有一半人到咗, 但係個D阿蟬竟然好唔耐煩咁話"仲未到呀D人?!", 真係有冇咁趕呀...前菜--8個人比2份, 味道唔掂, 食剩好多; 牛尾菜湯--個碗似洗腳盆多D, 味似麵豉湯, 好奇怪... (另有Order牛尾湯);燒豬肉--大大片, 味道尚可; 燒牛肉--都幾碎, 味道尚可; 燒雞肉--OK大片, 味道尚可; 燒雞腎--原隻, 味道尚可; 朋友燒牛肉個陣, 比個阿蟬大聲喝止"唔好咁呀, 好難洗o架", 跟手問都冇問過我地, 就推晒D雞肉落個燒爐度, 隨即又用夾完生雞肉嘅筷子, 夾D熟豬肉落我地個碗度, 搞錯呀, 佢識唔識咩叫衛生o架, 如果一對筷子可以夾晒2樣o野, 咁又做咩放2對筷子出o黎呀!!! 仲要冇問過我地邊個要邊個唔要, 總之用最短時間分晒去就算, 佢識唔識得咩叫尊重呀?!蛋包魚--蛋包魚本身冇味, 但係配埋個醬汁幾好味; 炒年糕(餐牌冇嘅)--完全唔好味; 炸醬麵--怪味加好難食, 好難入口, 完全唔明點解茶煲阿四會咁鐘意食; 炒粉絲(餐牌冇嘅)--勁冇味, 又冇配料, 平時Food Court個D都好食得
前菜--8個人比2份, 味道唔掂, 食剩好多;
牛尾菜湯--個碗似洗腳盆多D, 味似麵豉湯, 好奇怪... (另有Order牛尾湯);
燒豬肉--大大片, 味道尚可;
燒牛肉--都幾碎, 味道尚可;
燒雞肉--OK大片, 味道尚可;
燒雞腎--原隻, 味道尚可;
朋友燒牛肉個陣, 比個阿蟬大聲喝止"唔好咁呀, 好難洗o架", 跟手問都冇問過我地, 就推晒D雞肉落個燒爐度, 隨即又用夾完生雞肉嘅筷子, 夾D熟豬肉落我地個碗度, 搞錯呀, 佢識唔識咩叫衛生o架, 如果一對筷子可以夾晒2樣o野, 咁又做咩放2對筷子出o黎呀!!! 仲要冇問過我地邊個要邊個唔要, 總之用最短時間分晒去就算, 佢識唔識得咩叫尊重呀?!
蛋包魚--蛋包魚本身冇味, 但係配埋個醬汁幾好味;
炒年糕(餐牌冇嘅)--完全唔好味;
炸醬麵--怪味加好難食, 好難入口, 完全唔明點解茶煲阿四會咁鐘意食;
炒粉絲(餐牌冇嘅)--勁冇味, 又冇配料, 平時Food Court個D都好食得多呀, 結果食剩好多;
全程係冇人收碟嘅, 我地要自行疊起D吉碟, 人傳人咁移到去枱尾, 疊起咗幾棟先有人拎走...
未夠9點又催我地埋單, 送一人一片冇味嘅香口膠(綠色包裝)...
D茶係港式茶餐廳比嘅茶, 並唔係麥茶...
呢度嘅厠所亦好奇怪, 用番梘, 冇梘液, 好耐冇見過...
相片 : http://hk.myblog.yahoo.com/ken-merry/article?mid=2368
Post