Video
Read full review
2009-06-13
25 views
星期三晚六點幾準到到達九龍灣恒生銀行外面等SHUTTLE BUS入EMAX食自助餐.去到6時30分.夠鐘就入座.今晚的主題是法美食巡禮.話明法越當然有好幾個重點推介呢??包括鵝肝醬多士,魚香帶子煙三文魚酥,越式小食拼等等餐廳大致分幾個區域,近門口的右手邊是放了今的主題食物,行入一點便看見切燒西冷和法越的炸食物再行前少少是熱盤和自選粉麵檔.然後再有日式燒賣和刺身檔.右邊的話便是蛋糕.中間有朱古力噴泉,湯和麵包.近水吧位還有幾盤甜品.後面就是牛奶公司雪糕櫃了先說今次的主題食物,鵝肝醬多士,多士烘得香脆,加埋鵝肝醬食好香.魚香帶子煙三文魚酥盒.酥盒上放了帶子和蟹子,賣相己一流,估唔到味道也不錯.酥盒香脆,入面的三文魚醬也好多.木瓜蝦沙律,沙律唔多好味,木瓜也唔夠鮮甜.最難食牛肉粉絲沙律,牛肉無乜味道,粉絲麻實在太乾又硬,很難吃.越式粉卷的肉唔夠多,皮也較厚,好一般,海鮮有4款:小龍蝦,蝦,青口和螺,我只食了3款,包括小龍蝦真是勁小,我講D肉,肉質一般,唔夠鮮甜,蝦夠凍,只是唔鮮甜都算,還是雪到勁實肉又硬,唔掂.最好味算是螺了,比較鮮甜刺身有4款:三文魚,吞拿魚,立魚和八爪魚,三文魚鮮甜,吞拿
餐廳大致分幾個區域,近門口的右手邊是放了今的主題食物,行入一點便看見切燒西冷和法越的炸食物再行前少少是熱盤和自選粉麵檔.然後再有日式燒賣和刺身檔.右邊的話便是蛋糕.中間有朱古力噴泉,湯和麵包.近水吧位還有幾盤甜品.後面就是牛奶公司雪糕櫃了
先說今次的主題食物,鵝肝醬多士,多士烘得香脆,加埋鵝肝醬食好香.魚香帶子煙三文魚酥盒.酥盒上放了帶子和蟹子,賣相己一流,估唔到味道也不錯.酥盒香脆,入面的三文魚醬也好多.木瓜蝦沙律,沙律唔多好味,木瓜也唔夠鮮甜.最難食牛肉粉絲沙律,牛肉無乜味道,粉絲麻實在太乾又硬,很難吃.越式粉卷的肉唔夠多,皮也較厚,好一般,
海鮮有4款:小龍蝦,蝦,青口和螺,我只食了3款,包括小龍蝦真是勁小,我講D肉,肉質一般,唔夠鮮甜,蝦夠凍,只是唔鮮甜都算,還是雪到勁實肉又硬,唔掂.最好味算是螺了,比較鮮甜
刺身有4款:三文魚,吞拿魚,立魚和八爪魚,三文魚鮮甜,吞拿魚無乜味道,立魚勁難食,有股勁重的腥味.八爪魚唔會勁韌又鮮甜.至於刺身師傅絕對唔孤寒,每個款式也會切三四塊,只是隻刺身碟太細隻,師傅切完放到一座山咁勁搞笑
壽司:有多款,經常轉款,我只吃了北寄貝壽司,北寄貝唔夠鮮甜,飯又大件又硬,所以只取了一款便是這原因
冷盤:煙三文魚和火腿,煙三文魚的魚味濃,有少少燻過的味道,火腿唔會無味,有少少鹹味,鴨胸無乜味道,前兩款食物好味道,只是醃製不能吃得太多啊!
每人一隻的燒大蝦,好香蒜蓉味,蝦肉幾彈牙,只是不喜歡上面的麵包糠.每人只有一隻實在有點不夠.
生果:西瓜,蜜瓜和新鮮菠蘿:西瓜唔夠甜,反倒蜜瓜清甜味道不錯
甜品牛奶公司雪糕:有4款味,芒果,紅豆和,雲尼拿和朱古力.我只吃了紅豆,因為比較少買到,牛奶公司雪糕不用多介紹,總之只可以說是童年回憶的味道,就係好味囉
蛋糕:有好多款式,因為食完一個就會換第二個換式.蛋糕多半是有芝士味道.唔多喜歡芝士味的朋友便會少了選擇.有意大利芝士餅,德國芝士餅,香蕉慕思餅等等...只說我吃過的味道,意大利芝士餅的酒味好重,咖啡味突出,好啱我的口味,最後鯨吞2件.香蕉慕思餅太重香蕉味,最後放棄無食到.德國芝士餅唔夠芝士味也唔夠滑,麻麻地.
奶凍有2款:牛奶和藍莓,兩款都好滑又唔算甜,尤中牛奶比較香
蛋撻仔只出了一次沒有吃,幸好手快取了朱古力燉蛋,燉蛋太甜了,還要加埋朱古力和CREAM,最好味是上面的紅莓和藍莓好鮮甜.
湯有法式龍蝦湯,只是湯實在太咸,加上甚麼材料也沒有.至於另一款蕃茄湯有原隻大蕃茄,味道偏酸.總括來說兩款湯都好一般
燒牛肉西冷的師傅不得不讚他的刀工,他可以叻到切到塊西冷勁薄,唔拎實都怕塊西冷吹走了.西冷肉味濃,就算唔用汁都好味道.至於豬脾肉勁難食,完全無味道,可以不吃.
熱盤只吃了少許:松露酥蜜汁鴨胸:鴨胸煮得過火,太鞋口了.炆牛腩,好淋好滑,小白菜無乜特別.
餐飲:檸水無乜味道賀
環境:由於唔會放好多枱,空間感都幾足夠.
服務:收碟時快時慢,斟水都只有1次.還有,要注意未夠9點鐘所有檔口的師傅好像失了踪,明明食到九點半想搵人幫忙都不知怎麼找了
由於用了某雜誌所送的買一送一優惠卷,最後每人只需104元.依這個價錢來說可以用超值來形容.因為食物味道也值回這價錢
今期`X銀和X豐信用咭做緊折扣
溫馨提示,現在一至四1每位188,小童118,五六,公眾假期前夕:成人218,小童138,(最大的優惠是四人惠顧一人免費)
自助餐時間:6.30PM至90.30PM
Post
