Video
Read full review
2016-06-22
250 views
次次去九龍城都係食東南亞菜，今日試吓食西餐，5個 course 的 lunch set (沙律-湯-主菜-甜品-餐飲)，見裝潢幾新就去試吓。都幾滿座，被分配到門口六人枱中間對坐，夾住左右都係二人客。13:00入座，落好order，同友人傾吓歇。13:15 眼見到遠處遲我哋兩個字入座的情侶都已經食緊沙律，我哋都仲係食緊風（佢個玻璃門閂唔得實好扯風），向店員查問後話幫我哋追其實係漏單，睇住佢即刻入機... =_= 隔咗無耐就有嘢飲，友人的餐飲 Cappuccino ：同埋我的凍朱古力：旁邊客人都趁機追個餐湯，店員返轉頭的答覆竟然係：「個湯仲煲緊」⋯⋯ {心諗: 點解明知係 Lunch set 跟嘅餐湯都唔一早在午市前煲好...... }繼續傾歇傾到好攰，話說店內好多人講嘢好應聲好嘈，聽的聽唔清楚，講的要好大聲，好辛苦。 13:30 正當我們打趣說：「如果遲咗就搭小巴返公司，唔會2點都未有嘢食掛～」店內其他客人(有4人的有2人的)都紛紛追單，店員再入廚房，先拎到少部分沙律出嚟，我哋"有幸"被分發沙律兩個：睇落好乾咁，但食落又幾好味唔乾，醋好香。13:40 喺我哋(
13:00入座，落好order，同友人傾吓歇。
13:15 眼見到遠處遲我哋兩個字入座的情侶都已經食緊沙律，我哋都仲係食緊風（佢個玻璃門閂唔得實好扯風），向店員查問後話幫我哋追其實係漏單，睇住佢即刻入機... =_=
隔咗無耐就有嘢飲，友人的餐飲 Cappuccino ：
Cappuccino
8 views
0 likes
0 comments
凍朱古力
6 views
0 likes
0 comments
繼續傾歇傾到好攰，話說店內好多人講嘢好應聲好嘈，聽的聽唔清楚，講的要好大聲，好辛苦。
13:30 正當我們打趣說：「如果遲咗就搭小巴返公司，唔會2點都未有嘢食掛～」店內其他客人(有4人的有2人的)都紛紛追單，店員再入廚房，先拎到少部分沙律出嚟，我哋"有幸"被分發沙律兩個：
午餐沙律
11 views
0 likes
0 comments
13:40 喺我哋(仲有其他食客一齊)猛追猛追後 ，傳說中大半個鐘先煲完嘅餐湯終於嚟到：
黑松露油磨菇湯
7 views
0 likes
0 comments
本身鍾愛飲磨菇湯嘅，好 creamy 味道好 rich，加埋淋上面的黑松露油，好香好香。
{幾個店員都已經亂哂籠，我哋飲完湯收咗碟，又再拎兩個沙律俾我哋，講幾次食咗喇唔駛喇佢先知道拎返走}
13:45 千呼萬喚 友人的 main course - 三文魚長通粉 到著：
三文魚長通粉
8 views
0 likes
0 comments
{另外一枱4人此時仲追緊話未有沙律同湯... }
真係等到我哋兩個呆哂都未有另一碟.... 提議店員不如未煮好都上咗個甜品食住先啦...
跟餐甜品：朱古力蛋糕
5 views
0 likes
0 comments
13:55 已經放棄再追，請店員直接將我個扁意粉轉做外賣
13:58 聽到廚房整好叮咗鐘，店員拎住盒外賣意粉埋嚟，施施然話俾個紙袋我哋拎，但就要等另外一位店員喺收銀機下面個櫃度搵紙袋。我哋仲唔拿拿臨俾埋錢想搞掂就走(仲要截的士趕返公司，lunch time到2點咋已經遲哂到)，點知阿店員又搵極都搵唔到餐具 算算算，14:00 終於可以離開，我堅覺得我哋無發佢哋火係好仁慈......
趕到返 office 無理由喺位食嘢咁大陣味咁無公德心o架，唯有自己"喱"喺 pantry 立食我個 main dish - 蕃茄醬雞肉扁意粉(外賣)：
主菜：蕃茄汁雞肉扁意粉
5 views
0 likes
0 comments
Other Info. :
未試過 lunch time 坐足一個鐘 (1300入座1400走) 都未食到個午餐，返嚟忍唔住要寫我第一篇食評⋯ 睇見佢其他食評都係強調「慢活」「悠閒」，而且多數係週末或假期的評論。
個人認為 HighFive 的食物飲品都很精緻，味道不錯，但明知道做唔切就唔好開閒日午市，淨係做假日生意由得佢幾慢都得，一係就唔好放咁多客入去坐，淨係開兩三枱做午市好了。 :(
(The above review is the personal opinion of a user which does not represent OpenRice's point of view.)
Post
