何車車仔麵 (界限街) (Closed)

正午時分天氣炎熱，想食啲濕潤嘅嘢。見到界限街近長沙灣道呢間何車車仔麵，門口人頭湧湧，好受歡迎，原來是香港人的車仔麵，就試下啦！有個老何麵十餸$55, 唔使諗食咩，就點呢個，十款餸總有啱你口味的，大大碗麵價錢不算貴。十款餸，我最喜歡蘿蔔，陳皮魚蛋，雞翼尖，豬紅和豬皮。蘿蔔炆得好淋，超入味，鮮甜多汁又冇渣，好新鮮；陳皮魚蛋，爽口彈牙，真係幾香陳皮味；雞翼尖炆得又淋又入味，喜歡慢慢咀嚼雞翼尖皮的滑； 豬紅新鮮無腥味，滑嘟嘟的，口感不錯；豬皮有咖哩汁，小辣，吃得很開胃，爽口帶嚼勁，越吃越香！其他的餸菜如腸仔、牛d葉、雞翼、水魷，都是煙韌有咬口的，吃得很滿足，而且非常飽呢！朋友點蒜油撈麵$12,一上桌聞到超香蒜蓉味，炸蒜蓉分量很多，啱曬喜歡蒜香的人。撈麵麵質爽口，不會煮得太軟，口感很好，加配的肥牛和飛天牛腩都不錯呢！ 牛腩炆完夠淋，而且啖啖肉，很香牛肉味；肥牛感覺像打邊爐上桌時熟度剛好，即刻便要食；牛柏葉則味道較淡些。還有小食吉列炸蠔，炸成金黃色，很香脆，裏面蠔肉又滑又香又有海水味，口感很好，喜歡香口食物的人可以一試。食完就知道為何這裡人頭湧湧了，買外賣的人也絡繹不絕，因為食物味道真的不錯，下次