漲格重慶老火鍋 (Closed)

一行8人包咗唯一一間房，大大聲傾計唔會嘈到人。最低平均消費$4-500，最後大家一人$595. 係嗌咗多啲海鮮嘅，食材都算新鮮，不過我都覺得係貴咗啲。蔬菜類抵嗌啲，份量相對較多。個熊仔牛油香料真係好得意，打卡無得頂！嗌咗一個九官格同一個鴛鴦，我食中辣，湯底味道偏淡，麻同辣都唔算出。另外花膠雞湯底啲花膠好大塊，都幾有咬口，我麻麻地中意，中意入口即溶多啲。豬牛羊肉都有叫，豬肉羊肉味唔係好出，份量比較少，不過啲牛就好好味，值得一試。中意食雞子同豬腦嘅朋友仔，呢到個啲都幾正，而且擺盤都靚。總括黎講，質素ok,服務態度都好好，我地遲遲未走都冇趕我地，多謝哂。如果價錢抵少少會更完美