台北人 (Closed)

之前一直想試呢間台灣菜，但因為知道佢係立食同外賣為主，所以一直都未有時機去食，今次咁岩去住附近既朋友屋企玩，可以過去買外賣試下啦～鋪頭行簡約風，木系為主，地方雖然唔大，但都唔會俾人一種好壓迫既感覺，食物方面選擇都多同價錢合理，餐具可按自己需要去拎～台式蝦捲便當好有濃郁既蝦味，入面有類似馬蹄既食物好爽口，令到個口感唔會好實，有啲爽口既感覺令口感無咁單一～便當仲有不同配菜，包括粟米、粉絲、魯肉、滷蛋同椰菜，有蔬菜食可以平衡下👍🏻粉絲係有啲辣，味道同配菜都好豐富～雞腿便當雞腿份量好大隻，肉質嫩，個皮炸得鬆脆，食落都香口同惹味👍🏻肉鬆蛋餅蛋餅可以自行選擇配料，我地簡左肉鬆，都好足料，醬汁甜甜地味道好夾，塊皮比較厚實酥炸花枝丸熱辣辣又彈牙😛蜂蜜檸檬蘆薈、阿嬷QQ果鮮奶茶飲品高質😛奶茶入口係好順滑，同埋q果好爽口～而且用膠樽裝起野飲可以慢慢品嘗👍🏻