金記冰室 (創紀之城五期(apm)) (Closed)

做完facial同男友搵食，金記這間茶餐廳已在apm有一段時間，不過次次都食咗其他野。 兩個人星期五大約8：45左右都依然要等位，等咗大約10分鐘左右。點咗海南雞飯 ($70)加個冰震奶茶 (跟餐加$5) 同鐵板美式雜扒 ($85)。海南雞飯連埋湯上，個湯飲落唔似平時海南雞飯個種味精湯，不過點解少少湯渣都無(有既,一粒南北杏)....湯味似一般街飲到既例湯味.....最後我都分唔到佢係咩湯......好彩個飯同D雞都幾好食，油飯香而且粒粒分明，雞就非常滑溜~味道都幾好。不過就係細份咗少少.......同個醬無咗我最鍾意既酸辣醬而變咗花生 (不過花生味道都OK)鐵板美式雜扒入面就有牛扒、雞扒、豬扒、煙肉同香腸，仲可以配飯或意粉。黑椒汁比較濃稠，倒個汁落鐵板落未有煙霧瀰漫，不過都有"咋咋"聲，即係都算幾熱既。扒都比較薄身，香腸係普通㕑師腸。牛同豬就一般般，雞比較好，食到肉汁。整體算合格啦........奶茶唔係我飲不評。呢間茶餐廳裝修同乾淨程度比一般好，不過就偏貴....暫時都唔會再encore 住。