Seafood Stand (Closed)

其實之前食過一次，味道係ok ，但今次我想講既係佢地既服務。今日經開諗住食多次 揀左個牛魔王漢堡，因為小弟唔食沙律醬 ，都非常客氣地問有冇沙律醬，有既話我想唔要。講完呢句，個收銀好似我得罪過佢，好串咁同我講：「 你指嗰個沙律醬係咩，我唔知你明唔明啦下，我地係用honey xxx(聽唔到佢講咩）。」之後佢繼續補充：「好多醬你都可以話係沙律醬，豉油你都可以話係沙律醬架，唔該下次講清楚啲。」聽到呢句真係火都黎，即刻大聲同佢理論，佢見我突然轉左臉色，先開始冇咁串，但仍然同我講：「我而家教精你炸。」我而家都仲諗唔明，究竟我錯左喺邊。而最後，我係嬲到即刻走。講到呢度，大家可以自行決定去唔去呢間餐廳食。