八番拉麵 (Closed)

是日叫左一個日式叉燒拉麵拼煎餃子。整體黎講食物質素唔錯，八番拉麵既拉麵麵質係亮點，幼身得黎又有口感。佢既軔度同爽度唔錯，食落去既口感比一般拉麵好，但係又夠幼身，吸到好多湯底，食落去更加好味。美中不足既係，拉麵量真係有啲少，湯底亦都太淡，香味同咸味都唔係太夠。叉燒既量都唔係太夠，但係味道都唔錯，夠肥之餘又煮得夠霖。餃子既味道都幾好，不過我覺得可以煎耐少少，少少焦可以令佢既香味更加突出，而且餡料都有少少淡。整體黎講，味道都算唔錯，以七八十蚊黎講還可以啦，不過係foodmall黎講，就真係有少少貴啦