尚鮮海鮮料理 (Closed)

最近去左呢間位於銅鑼灣嘅餐廳食晚飯，本身對食物都冇咩期待，只係貪位置夠就腳，點知食物嘅味道非常唔錯，值得推薦。我地就叫左個 私房菜套餐，非常豐富。首先有一個老火燉湯，非常入味，而且落足料。之後有個刺身拼盤，我特別鍾意佢個帶子同鮑魚，非常之鮮甜。接住就有個雙色煎海蝦，分別係茄汁味同椒鹽味，非常有住家嘅感覺。香煎安格斯牛柳粒味道亦非常唔錯，食落香口又嫩滑，口感非常好。燒生蠔亦都好好食，非常之鮮美。烏冬抄得非常入味。最後有個桂花糕做甜品，整體而言食物質素相當唔錯。