麺屋武蔵二天 (Closed)

夜晚7點幾行完馬鞍山揾地方食晚飯，好多餐廳開始有人龍。可能呢間位置偏僻，只係等一張枱。。。咁就決定喺呢間食喇！食物選擇好少，只有幾款拉麵同定食；小食都唔多，而且有一兩樣已經賣晒，而時間都只不過係8點左右。兩個人，叫咗炸蝦餅拼鰻魚定食、吉列豬扒定食同魷魚蝦卷(個名唔太記得)。整體嚟講，味道唔錯，蝦餅同吉列豬扒一啲都唔油膩。鰻魚略嫌太薄，魷魚蝦卷就兩種食物味都唔多食倒。珍珠米唔係太黏，唔知係咪溝咗啲白米呢？不過價錢尚算經濟，每樣嘢都係幾十蚊，算係咁。