爆丼屋 (Moved) New Location

今日同一位朋友六點半已經來到，本來以為星期二晚，餐廳都開左一段時間，我地又咁早到，應該得好少人，點知居然都等左大半個鐘先入到去，炎炎夏日響條街道等咁耐真係有小小辛苦不過見依道長期爆滿，質素理應不錯，多人都照等啦！我地結果大約7:15pm入座，出面已經越來越多人等，如果7:30pm後先到，應該要等成粒鐘先有得食！奉勸各位如果要食的話，記得要做好等待嘅心理準備我地一人order左一個丼,分別係甜蝦丼同三文魚吞拿魚丼。重點係，當我睇餐牌嘅時侯，以為d丼係非常巨型嘅，點知上枱嘅時候先發現原來個size同吉x家牛肉飯差唔多，可能仲細添，搞到我有小小失望不過食魚生應該係重質不重量嘅，等我試下味先！味道方面，其實都唔錯，不過不失，同平時出面嘅連鎖壽司店質素差唔多。不過等待時間實在太長，份量亦唔係特別大，我覺得試一次就ok，下次可以去翻連鎖壽司店，唔洗等咁耐添！