皇庭匯 (Closed)

是日做冬，冬大過年，唔想阿媽辛苦煮，去酒樓食就最好！$2000唔洗一圍，志在一家團聚食返餐。個套餐都有d野好食嘅，名亦改得幾靚，翡翠新鮮龍躉球，雲耳蒸龍躉頭腩，前者炸過再炒就香口d，後者清蒸撈埋蒜茸粉絲都好味，大碟頭到食唔哂。碧綠蚌片影花姿，蚌同花姿片炒得尚算爽口，西芹無咩渣。意頭野壽包，唔出色，但可以一吃。皮厚唔夠軟熟，蓮蓉唔夠香，勝在熱辣辣救返個包。屋邨酒樓服務質素，無期待，但差d有意外！明明最出位置留左兩個人都埋到枱嘅位，都要涉入黎放茶壺，放低又唔睇下擺好未，好彩我接我住先唔洗滾水淥腳。